Yakobus 2:12 - En Taar Weru a nunuwu' é Tontemboan

¹² Ampa'paano in itu, mareti-retio mangé sa numuwu' wo am pengaémaan. Ampa'paan kamu akimen oka iciit in ukum-ukum sé imekar icamu ang kamesé-meséaan.

Yakobus 2:12 ပူးပေါင်းရင်းမြစ်များ

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Yohanes 8:32

wo kakailekan oka miow en sususuien wutul, wo en sususuien wutul itu e iméma' icamu anio' ra'io ka'i ang kakawasaan tanu ata.”

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

Filipi 4:8

Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

Yakobus 1:25

Taan en tou sé mati'tir in ukum si lumeke-lekep, awéan kawasa e mekar sé tou sé iméma' ing kamesé-meséaan, si tou itu kasake' le'tek an ukum itu wo ka'i pengaémaanna, ra'ica asalo iluminga wo ilupana. Si tou tanu siitu kamangen oka ampa'paan sapa sé paémaanna.

Yakobus 2:8

Sa émaan iow en ukum kumataré-taré si aipatic ang Kitap Le'nas, “Mengaupuso mangé sé tou walina, meputé kamu mengaupus in owak iow in esa!”, kamu iméma'o im butul.