Yakobus 1:6 - En Taar Weru a nunuwu' é Tontemboan

⁶ An tutuw sia mangilek a si Casuruan, musti émanenna mangé em pinangilekna itu, tioo marua-rua até. Si tou marua-rua até, meputé wo in sempa' an ta'sic si ipawali-wali in deges.

Yakobus 1:6 ပူးပေါင်းရင်းမြစ်များ

Matius 14:28

Wo icua i Petrus, “Tuang, sa Ico itu, iru'du'o aku maai a si Tuang maya' am bawo in dano.”

Kisah Para Rasul 10:20

Anaé, tumulungo wo tumumpao mio' wo mangéo mewali-wali wo iséra. Tioo ko marua-rua wasa, ampa'paan Yakuo in esa e irumu'du' mai iséra.”

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

1 Timotius 2:8

Ampa'paano in itu, icasalé'ku wosama' am bisa-wisake' sé tuama mengasombayang angé ang karapi in até weresi a si Casuruan, ra'ica ang karapi in e'bow wo meindoan roma'.

Ibrani 10:23

Mayoo timboianta mauli-ulit em paémanen itu, tioo marua-rua wasa. Ampa'paan si Amang Kasuruan le'tek asi sapa sé aijanji-Na.

Ibrani 11:6

Si tou ra'ica maéman a si Amang Kasuruan, sia ra'ica kawisa mako maarui in até-Na. Si tou mai a si Amang Kasuruan sia musti maéman sapaoka si Amang Kasuruan itu awéan, wo sia musti maéman ka'i sapaoka si Amang Kasuruan méé mai in laasa a sé tou sé uli-ulit mengaéré Sia.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

Yakobus 1:7

Si tou tanu siitu, tioo mawerot sa sia makéré in sapa-sapa asi Casuruan owo.

Yakobus 5:15

Sa séra sumombayang wo maéman a si Casuruan, tantu en sakit i tou itu masama'. Wo sa si tou itu méma'o ing kamesé-meséaan, sia ampungan oka.

2 Petrus 2:17

Sé guru ra'ica wutul itu, tanuoka im palemboian in dano imaperao kuma'pa tanuoka ing kambung riréimbeng iwalike' in deges repet. Séra itu aitu'tulo i Amang Kasuruan tampa ang kariréimbengan ulit.