Yakobus 1:26 - En Taar Weru a nunuwu' é Tontemboan

²⁶ Sa si tou maanggap sia maapo' makiit ing kasalé'an i Casuruan, taan sia ra'ica matéir im ba'ba'na, sia itu imuwako in owakna in esa. Em pakaapo'na itu ra'ica wana torona.

Yakobus 1:26 ပူးပေါင်းရင်းမြစ်များ

Matius 15:9

Ra'ica wana en torona séra maapo' a Yaku, ampa'paan en sususuien ipasusui éra a sé tou asaloke' makiit im perénta sé niéma' é tou.’ ”

Markus 7:7

Ra'ica wana torona séra maapo' a Yaku, ampa'paan en sususuien sé pengasusui éra a sé tou, asaloke' makiit im perénta sé niéma' é tou.’

Lukas 8:18

Ampa'paano in itu, iwéé mio' sumama-sama' an dékén sapa sé lininga miow. Ampa'paan si séi e masalé' makailek sapa sé aicua-Ku, émaan oka i Amang Kasuruan sia lébé makailek. Taan si séi si ra'ica kiim makailek sapa sé aicua-Ku, sapa sé pawasanna kailekannao émaan oka i Amang Kasuruan ra'io kata'néianna waya.”

1 Korintus 15:15

Wo in taniitu, tantu kami mééo kasairian si ra'ica wutul andumoro' si Amang Kasuruan. Ampa'paan ipakua ami a sé tou sapaoka si Kristus tinou sumawel i Amang Kasuruan. Sa wutul sé tou imatéo ra'io touen sumawel, tantu si Kristus ra'io tinou sumawel.

1 Korintus 15:2

Sa kamu tumimboi mauli-ulit a si Abar Kaaruien si aicuakuo itu, kamu linowiro i Amang Kasuruan. Taan sa kamu ra'ica matimboi mauli-ulit asi Abar Kaaruien itu, em paémanen iow ra'ica wana torona.

1 Korintus 3:18

Sa kamu mengawerot in owak iow awéan kapinteran, kamu imuwako in owak iow in esa, ampa'paan eng kapinteran papakén iow itu asalo makiit im pakawerot é tou ang kayo'baan wo eng kapinteran ituo e modok icamu. Aweso taré kamu ra'ica mapaké ing kapinteran makiit im pakawerot ing kayo'baan wosama' an dior i Amang Kasuruan kamu uli-ulit awéan kapinteran.

Galatia 2:6

Wo sé tou sé nianggap pasiri-siriin itu ra'ica mawes sapa-sapa an Abar Kaaruien si aicuakuo. (Em butulna sa aku, séra tou sé pasiriin kuma'pa ra'ica pasiriin ra'ica pandungenku. Wo si Amang Kasuruan wutu-wutul ra'ica masisir in tou.)

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

Galatia 3:4

Ra'ica réén wana en torona waya eng kamang sé tinerimao miow kekawus iow maéman a si Kristus? Yaku wutu-wutul mercaya sapaoka pakasa en itu ra'ica ra'i-ra'i taan tantu awéan en toronana ai camu.

Galatia 6:3

Ampa'paan sa awéan tou mawerot en owakna in esa penting, taan en ulitna sia itu tou ra'ica penting, eng kaangéanna sia itumowoo an owakna in esa.

Efesus 4:29

Tioo awéan nunuwu' sé ra'ica loor kumesot am ba'ba' miow. Taan manuwu'o mangé i nunuwu' sé loor eng kumeter in até é tou walina an tutuw im paperlun éra. E nunuwu' tanu siitu méé oka ing kamang a sé tou sé mengalinga in itu.

Efesus 5:4

Tioo ka'i awéan ai camu makua sé nunuwu' kotor, sé nunuwu' ra'ica wana torona kuma'pa sé nunuwu' ra'ica masoma. En itu ra'ica patus pengakua miow. Taan aweso taré kamu mengakuao mangé i makapulu'sama' a si Amang Kasuruan.

Kolose 4:6

Wo rumaméjio mangé memaké-maké sé nunuwu' e méma' in até é tou arui wo manam palingan. Wo in taniitu kailekan iow tumambisa en sumowat ang karapi im butul sé wuwuéien é tou.

Yakobus 1:19

Poo-poow sé icaupusku! Musti ta'néien iow in andumoro' sé anio': Sa awéan tou ang karoro'an imaroma' lingan owo em pakuana. Tioo taporak manuwu' wo tioo taporak mae'bow.

Yakobus 1:22

Tioo kamu asaloke' mengalinga in Taar i Casuruan, taan musti pengaémaan iow. Sa en Taar itu ra'ica pengaémaan iow, en itu meputéke' kamu imuwako in owak iow in esa.

Yakobus 2:20

Éi camu sé tou bodok! Masalé' réén pangakun iow intarépé' sapaoka em paémanenmu ra'ica wana torona sa ra'ica pengaémaan?

1 Petrus 3:10

Ang Kitap Le'nas aipatic in tana'i, “Si séi si masalé' menonou ang kaaru-aruian wo masalé' sumangkum in endo-endo loor, sia musti tuméir in lila'na wosama' ra'ica manuwu' andumoro' in léwo', wo tuméir im biwina wosama' ra'ica mengauwak.