Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yakobus 1:19 - En Taar Weru a nunuwu' é Tontemboan

19 Poo-poow sé icaupusku! Musti ta'néien iow in andumoro' sé anio': Sa awéan tou ang karoro'an imaroma' lingan owo em pakuana. Tioo taporak manuwu' wo tioo taporak mae'bow.

အခန်းကိုကြည့်ပါ။ ကော်ပီ




Yakobus 1:19
54 ပူးပေါင်းရင်းမြစ်များ  

Taan icua-Ku ai camu, si séi si mae'bow a si poowna musti ukumen. Wo si séi e mengawa'ba' si poowna, musti isaru' an dior é Mahkamah Agama. Wo si séi ka'i e makua si poowna bodok, sia patus itiya' an api ra'ica mape'de-pe'del.


Si Daud in esa mengatuul si Kristus itu Tuangna, anaé tambisa réén wo icuata Sia itu taranakna ka'i?” Wo sé tou keli arui keli luminga in aicua i Yesus.


Ampa'paan in ituo kumeli-keli tou mali'us akar ra'io ka'i wana tampa am bitu, akar an dior im papalen imawutao é tou. Wo si Yesus kumua in Taar i Amang Kasuruan ai séra.


Kelian sé matagi im pajak wo sé tou ang kamesé-meséaan mai a si Yesus en luminga Sia.


Taan ra'ica kailekan éra tumambisa e maté si Yesus, ampa'paan pakasa en tou masalé' mengalinga in sususuien-Na.


Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,


Ampa'paan in ituo makala'us ru'du'ku tou mangé sumungkul si tuang. Wo si tuang mayo am bia'i ang karapi in arui en até. Intarépé', kami im baya am bia'io an dior i Amang Kasuruan, lingan amipé' sapa en aiperénta-Na a si tuang.”


Kelinga in itu, pakasa é tou sé ra'ica Yahudi arui keli wo rumayo sumiri' in Taar i Casuruan itu. Wo sé tou sinisiro i Amang Kasuruan makéré oka ing katouan akar ing kauré-uré, séra itu mamuali maéman.


Sé tou Yahudi am Berea lébé imawuka' em bewerot, ra'ica tanu sé tou Yahudi an Tesalonika. Ampa'paano in itu icasalé' éra keli en luminga wo tumerima in taar i Amang Kasuruan. Wo susur in endo pengati'tiren éra eng Kitap Le'nas e makailek sa en sususuien i Paulus wutul kuma'pa ra'ica.


Séra mengali'us mewali-wali wo le'tek mengalinga sé ruru'du'an mengasusui in andumoro' i Yesus. Wo séra tatap mengaéma' im perjamuan wo mengasombayang.


Sa kamu mae'bow, tioo mengaéma' ing kamesé-meséaan. Tioo eng kae'bowan itu yéma' miow akar i muntep si yéndo,


Itela'uo mio' eng kasuutan, kae'bowan akar ing karangoan, kae'bowan, meindo-indoan roma', mengawuruk i ngaran é tou, taniitu ka'i mai pakasa sé léwo'.


Iwayao mio' en até wo em pemero-meroten iow kawasan ing kaeluran si aiwéé mai i Kristus. Ampa'paan si Amang Kasuruan tumowao icamu mamuali tanuoka esa owak wosama' kamu si esa wo si esa menonou ang kaeluran. Wo ka'i mengawéé mangé i makapulu'sama' a si Amang Kasuruan.


Taan intarépé', tiya'o waya sé kasalé-salé'an léwo' anio' ang katouan iow, menge'bo-nge'bow, mae'bow akar ing karangoan, mawasa-wasa in léwo' a sé tou walina, mengawuruk i ngaran é tou wo mawa'ba', en itu tioo kumesot am ba'ba' miow.


An tutuw ipakua ami en taar i Amang Kasuruan, tinerimao miow en itu tanu nunuwu' i Casuruan ra'ica nunuwu' é tou. Wo en aisowat iow itu wutul, ampa'paan en taar i Amang Kasuruan itu ang karoro'ano i matawoi ang katouan iow sé maéman a si Apo' Yesus. Ampa'paan in ituo kami mengua-ngua i makapulu'sama' ai Sia.


Poo-poow sé icaupusku! Tioo kamu icasélé'kow.


Poo-poowku! Sa kamu meta'up i membam-balinaan pangepé'- an, terimano mangé waya en itu ang karapi in arui en até.


Sa si tou maanggap sia maapo' makiit ing kasalé'an i Casuruan, taan sia ra'ica matéir im ba'ba'na, sia itu imuwako in owakna in esa. Em pakaapo'na itu ra'ica wana torona.


Poo-poowku! Icita anio' tou maémano a si Yesus Kristus, Apo'ta si parayo-rayo wo pasiri-siriin. Tioo kamu masisirke' in tou asalo maséré ing kasiyaan.


Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.


Asi wa'ba' si meputé itu, lumembo mai ka'i eng kamang wo eng kutuk. En itu, é poo-poow, ra'ica toro mamuali.


Poo-poowku, tioo kamu si esa wo si esa mengawuruk i ngaran é tou. Si séi e muruk i ngaran i poowna esa paémanen kuma'pa tumudu meséa', en itu meputé imuruko wo imééo séa' in ukum i Amang Kasuruan. Wo in taniitu kamu ra'ica masalé' kumiit in ukum i Amang Kasuruan itu, taan imamualio akim si mengaséa' in ukum itu.


Poo-poow! Eng kumataré-taré, tioo kamu mengasumpa ang karapi i ngaran in langit wo in tana' kuma'pa sapa-sapake' mangé. Sa wutul, icuao mangé “wutul”. Wo sa ra'ica wutul, icuao mangé “ra'ica wutul”. Wo in taniitu kamu ra'ica kawisa ukumen i Casuruan.


Poo-poowku, sa awéan esaan angé ai camu, indior makiit in sususuien wutul i Casuruan taan intarépé' isumélé'kowo asi sususuien wutul itu, uli-ulit loor woo sa awéan tou en tumawang isia e maréng sumawel a si sususuien wutul i Casuruan itu.


Aipaticku en anio' ai camu, ra'ica ampa'paan kamu ra'ica makailek in sususuien wutul itu, taan ampa'paan kailekan iow en sususuien wutul itu wo ka'i kailekan iow sapaoka ra'ica wana en towo asi sususuien wutul itu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ