Yakobus 1:16 - En Taar Weru a nunuwu' é Tontemboan

¹⁶ Poo-poow sé icaupusku! Tioo kamu icasélé'kow.

Yakobus 1:16 ပူးပေါင်းရင်းမြစ်များ

Matius 22:29

Wo isowat i Yesus ai séra, “Isuméa' keli kamu, ampa'paan ra'ica pangartian iow eng Kitap Le'nas wo ka'i ra'ica kailekan iow eng kakawasaan i Amang Kasuruan.

Markus 12:24

Isowat i Yesus ai séra, “Isuméa'o keli kamu, ampa'paan ra'ica kaangéan iow eng Kitap Le'nas, wo ka'i ra'ica kailekan iow eng kakawasaan i Amang Kasuruan.

Markus 12:27

Asi témpo itu si Abraham, si Ishak wo si Yakub imatéo taan tumou sumawel wo mewali-wali wo si Amang Kasuruan an sorga. Anaé, si Amang Kasuruan ra'ica Kasuruan é tou imaté taan Kasuruan é tou menonou. Kamu wutu-wutul isuméa'o.”

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

Galatia 6:7

Tioo suméa' mawerot! Kailekanta sapaoka sapa si ayusew i esa tou siitu en upu'enna oka. Si Amang Kasuruan ka'i taniitu. Sia ra'ica toro pawera-weraan, ampa'paan suliin-Na oka sé tou kumiit im pinengaéma' éra in esa.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

Kolose 2:4

En itu aicuaku wosama' kamu ra'ica kauwakan i séike' mangé en tumawér icamu ang karapi i nunuwu' manam pengalingan.

Kolose 2:8

Mareti-retio mangé kamu, oréoka awéan en tumawér icamu in sususuien andumoro' ing katouan sé ra'ica wana torona wo ra'ica wutul. En sususuien éra itu ra'ica asi Kristus owo, taan mengatuuré' asi kanaramen é tou indior wo ka'i a sé roh sé makakawasa ing kayo'baan.

2 Timotius 2:18

Séra in dua itu isumélé'kowo a si sususuien wutul. Pengasusui éra sapaoka sé tou imatéo, tinouo sumawel i Amang Kasuruan, anaé ra'io wana tou en touené' sumawel. Wo em pengasusui éra itu, lumicokoo piraan tou sé maémano a si Yesus.

Ibrani 13:1

Poo-poow, meupu-upusano mangé tanu mepoow an esa paémanen.

Yakobus 1:19

Poo-poow sé icaupusku! Musti ta'néien iow in andumoro' sé anio': Sa awéan tou ang karoro'an imaroma' lingan owo em pakuana. Tioo taporak manuwu' wo tioo taporak mae'bow.

Yakobus 1:2

Poo-poowku! Sa kamu meta'up i membam-balinaan pangepé'- an, terimano mangé waya en itu ang karapi in arui en até.

Yakobus 2:1

Poo-poowku! Icita anio' tou maémano a si Yesus Kristus, Apo'ta si parayo-rayo wo pasiri-siriin. Tioo kamu masisirke' in tou asalo maséré ing kasiyaan.

Yakobus 2:14

Poo-poowku! Sa si tou kumua sia maéman a si Casuruan, taan ra'ica pengaémaanna en airu'du' i Casuruan, em paémanenna itu ra'ica wana torona. Ro'na réén em paémanen tanu siitu en lumowir sia?

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

Yakobus 3:1

Poo-poowku! Tioo takeli ai camu sé masalé' mamuali guru, ampa'paan kailekan iow sapaoka si guru tumerima oka in ukuman si lébé uterai.

Yakobus 3:10

Asi wa'ba' si meputé itu, lumembo mai ka'i eng kamang wo eng kutuk. En itu, é poo-poow, ra'ica toro mamuali.

Yakobus 4:11

Poo-poowku, tioo kamu si esa wo si esa mengawuruk i ngaran é tou. Si séi e muruk i ngaran i poowna esa paémanen kuma'pa tumudu meséa', en itu meputé imuruko wo imééo séa' in ukum i Amang Kasuruan. Wo in taniitu kamu ra'ica masalé' kumiit in ukum i Amang Kasuruan itu, taan imamualio akim si mengaséa' in ukum itu.

Yakobus 5:12

Poo-poow! Eng kumataré-taré, tioo kamu mengasumpa ang karapi i ngaran in langit wo in tana' kuma'pa sapa-sapake' mangé. Sa wutul, icuao mangé “wutul”. Wo sa ra'ica wutul, icuao mangé “ra'ica wutul”. Wo in taniitu kamu ra'ica kawisa ukumen i Casuruan.

Yakobus 5:19

Poo-poowku, sa awéan esaan angé ai camu, indior makiit in sususuien wutul i Casuruan taan intarépé' isumélé'kowo asi sususuien wutul itu, uli-ulit loor woo sa awéan tou en tumawang isia e maréng sumawel a si sususuien wutul i Casuruan itu.