Yakobus 1:12 - En Taar Weru a nunuwu' é Tontemboan

¹² Pakakamangeno sé tou talesen masaru im pangepé'an wo kasake' maéman a si Amang Kasuruan, ampa'paan kéréanna oka e mahkota ing katouan akar ing kauré-uré si aijanji-Nao a sé tou sé mengaupus ai Sia.

Yakobus 1:12 ပူးပေါင်းရင်းမြစ်များ

Matius 10:22

Wo pakasa in tou masuut oka icamu ampa'paan kamu makiit Yaku. Taan sé tou le'tek makiit Yaku akar imaté makéré oka ing kalowiran.

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Lukas 6:22

Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Roma 5:4

wo eng katalesenan itu méma' icita talesen im paujin, wo talesen im paujin itu méma' icita awéan paarapen.

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

1 Korintus 2:9

Ang Kitap Le'nas awéan aipatic in tana'i, “Sapa sé ra'ipé' sumangkum ako sinéré é tou, sé ra'ipé' sumangkum ako lininga, sé ra'ipé' sumangkum ako lumembo mai an até, siituo en tinu'tul i Amang Kasuruan a sé tou mengaupus Sia.”

1 Korintus 8:3

Taan sa si tou mengaupus si Amang Kasuruan, tantu sia katuusan oka i Amang Kasuruan.

1 Korintus 9:25

Susur in tou sé kumiit mekowa' musti tumang in owak am baya-waya. Sia méma' tanu siitu ampa'paan sia masalé' makéré mahkota si rior maweles. Taan kita anio' talesen matang in owak am baya-waya ampa'paan kita masalé' makéré mahkota si ra'ica maweles akar ing kauré-uré.

2 Timotius 2:15

Émaano mangé sumama-sama' en tawoienmu wosama' si Amang Kasuruan masalé' ico. Ang karapi i méma' in taniitu, ko ra'ica malawi' an dior i Casuruan, wo ro'nao icuamu a sé tou ang karapi i makakii-kiit en sususuien wutul itu.

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

Ibrani 10:32

Taan ta'néieno mangé si oras ilumangkoio, an tutuw kataré-taré en até miow tinélangai in sendot i Amang Kasuruan e makatuus asi Kristus. An tutuw itu kamu meta'up ing keli kawenduan taan kamu makawoo tumang am paémanen iow.

Ibrani 11:17

Ampa'paan si Abraham awéan paémanen, airagésna si toyaangna Ishak tanu raragés an tutuw sia niuji i Amang Kasuruan. Iragés i Abraham si toyaangna in esa itu, mandé ka'i tinerimanao en janji-janji i Amang Kasuruan,

Ibrani 12:5

Wo ra'ica toro ilupa miow en sina'u ang Kitap Le'nas si aicua ai camu, tanuoka si amang masina'u a sé toyaangna in tana'i, “Toyaang-Ku, ra'ica toro paepesen im beren em pasusui i Amang Kasuruan, wo ra'ica toro mateké' en até sa ko tegoren-Na.

Ibrani 6:15

Si Abraham talesen keli mangento-ngento' in janji itu mamuali, wo in taniitu kinéréanna sapa si aijanjio i Amang Kasuruan ai sia.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

Yakobus 5:11

En ulitna, sé tou talesen makiit si Casuruan mandé ka'i meta'up ing kawenduan, séra itu tou pakakamangen. Wo tantu pinalingao miow andumoro' ing katalesenan i Ayub. Wo kailekan iow kekawus ako in itu, sia kinamang i Amang Kasuruan, ampa'paan si Amang Kasuruan taloso taupus wo wuta ing kaupusan a sé tou.

1 Petrus 3:14

Taan pakakamangen oka kamu, mandé kamu musti mawendu ampa'paan maéma' ing kasalé'an i Amang Kasuruan. Ampa'paano in itu tioo kamu maindé' a si séike' mangé wo tioo maindé-indé'.

1 Petrus 4:13

Taan maaru-aruio mangé, ampa'paan kamu kumiito imendam ing kawenduan tanu si pinendamai i Kristus, wosama' an tutuw i Kristus maai sumawel ang karapi i rarayo wo in sisiri'-Na, kamu ro'na masalé-salé' wo maaru-arui.

1 Petrus 4:14

Pakakamangeno kamu, sa kamu iparoros é tou ampa'paan makiit si Kristus, ampa'paano e Roh i rarayo wo in sisiri'-Na ai camuo. Siituo si Roh i Amang Kasuruan.

1 Petrus 5:10

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.

1 Petrus 5:4

Wo an tutuw i Yesus si Gembala Wangko' imayo sumawel, kamu makéré oka mahkota a rarayo wo in sisiri' ai Sia. Siituo e mahkota si ra'ica materi.

1 Yohanes 4:19

Kita mengaupus ampa'paan si Amang Kasuruan irumioro mengaupus cita.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.

Wahyu 3:19

Sé tou sé icaupus-Ku, sérao sé romaan-Ku wo samboken-Ku. Ampa'paan in itu maincaya'o mangé sumawel wo mape'diso.

Wahyu 3:21

Si tou muntung ilukut-Ku oka sia ang karapi-Ku asi palukutan pasiri-siriin-Ku, meputé wo Yaku si muntungo wo lumukut mewali-wali wo si Amang-Ku asi palukutan pasiri-siriin-Na.