Wahyu 9:2 - En Taar Weru a nunuwu' é Tontemboan

² Wo wukaan i sumesendot itu em papalen pauntepan ang kepal im papaté, wo kumesotai en tembur asi kepal itu tanuoka pulutna in tembur im pakopraan. Wo si yéndo wo en langit mariréimbeng ampa'paan in tembur si cumesotai ang kepal itu.

Wahyu 9:2 ပူးပေါင်းရင်းမြစ်များ

Kisah Para Rasul 2:19

Émaan-Ku oka ka'i eng kakaya'kaan-kakaya'kaan a mangé en dangka' an langit, wo en tuu-tuus sé ra'io cakua an darem ing kayo'baan: awéan oka enda', api wo pulu-pulut in tembur.

Wahyu 14:11

Wo en tembur in api e mokoi iséra itu memulu-mulut akar ing kauré-uré, wo séra pengoko-ngokoien endo wo em bengi. Séra ituo sé tou makuru en sumiri' si binatang wo im patongna itu wo sé itumerima in tuus i ngaranna.”

Wahyu 16:10

Kekawus in itu ituas i malaékat kalima sé an untep im paelepanna itu am palukutan pasiri-siriin i binatang itu wo eng kakolanoanna mariréimbéng, akar séra kumarét in lila' éra ampa'paan menanang i me'nget.

Wahyu 8:12

Wo si malaékat kaepat sumengo in terompétna, wo sangapetelu i yéndo, serap wo sé sumesendot kinapasutan akar sangapetelu asé im pakasa sé kinapasutan itu mariréimbeng. Wo in taniitu sangapetelu in endo mariréimbeng, taniitu ka'i sé sangapetelu im bengi.

Wahyu 9:1

Wo sengono i malaékat kalima en terompétna, wo sérénku si esa sumesendot an langit owo rumongkorai ang kayo'baan. Wo si sumesendot itu winéan ing kukusi' e muka' im papalen pauntepan ang kepal im papaté.

Wahyu 9:11

Wo séra awéan kolano si maperénta, siao si malaékat mengatéir ing kepal im papaté. E ngaran i colano itu “Abadon” a nunuwu' é Ibrani, wo “Apolion” a nunuwu' é Yunani.

Wahyu 9:17

Wo tana'io eng kinaséréanku am pinapaturu'an itu. Sé kawayo wo sé tou makasaké asé kawayo itu e modél éra tana'i, sé tou itu mepaké ing karai bési i pari'dir makakliur réindang tanu api, dongker tanu im batu permata, wo kuni' tanu im balélang. Wo en do'kos é kawayo tanu in do'kos é singa, wo am ba'ba' é kawayo makesotai en api, tembur wo walélang.