Wahyu 8:5 - En Taar Weru a nunuwu' é Tontemboan

⁵ Wo si malaékat itu mindo im patemburan in dupa itu, pumpunanna in api asi pawetaan i raragés owo. Wo iwangkilna em patemburan in dupa itu ang kayo'baan. Wo tuméngé mai en erut, parapiten ing kilat wo im pangéro'.

Wahyu 8:5 ပူးပေါင်းရင်းမြစ်များ

Matius 24:7

Ampa'paan maai oka en orasna si esa bangsa mensunduran oka wo sé bangsa walina, si esa kakolanoan mensunduran wo sé kakolanoan walina. Wo awéan oka ka'i kaareman wo ka'i tana' mangéro' am bisa-wisa.

Lukas 12:49

“Yaku mai e méma' sé tou maéman a Yaku wo sé tou ra'- ica maéman a Yaku meréndér. En itu meputé Aku mangkil in api ang kayo'baan anio' wo casalé'-Ku en api itu membungo.

Kisah Para Rasul 16:26

Tumarépé'anke'mai en tana' mangéro' repet akar en tinuliran im bui mekiito maéro'. Asi témpo itu ka'i pakasa em papalen imawuka' wo ka'i pakasa en ranté aiwa'kes a sé tou am bui mawuka'.

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

Wahyu 11:13

An tutuw ituke' mangéroo mai repet. Sangapepulu' ing kota itu materi, wo pitu ngariwu tou imaté ampa'paan im pangéro' itu. Wo sé tou walina maindé' keli, wo séra rumayo wo sumiri' si Amang Kasuruan an sorga.

Wahyu 11:19

Kekawus in itu, mawuka'o mai em Balé Le'nas i Amang Kasuruan an sorga, wo kaséréano em piti im perjanjian-Na an untep im Balé Le'nas itu. Wo mamuali mai eng kilat wo en téngéna in erut wo em pangéro' wo en uran éis repet keli.

Wahyu 4:5

Wo asi palukutan pasiri-siriin si an unera, kinesotanai in télang ing kilat wo pakiiten in erut ing guntur melio-liondong. An dior im palukutan pasiri-siriin itu awéan pitu obor maembung, siituo sé pitu Roh i Amang Kasuruan.

Wahyu 6:12

Kaséréanku, an tutuw i Toyaang i Domba muka' in ségél kaenem, mangéroo mai eng kayo'baan repet keli. Si yéndo imawuring tanu ing karai wuring si kanaramen pengapakén é mala'lu wo si serap maréindang tanu in enda'.

Wahyu 8:3

Wo mai si esa malaékat walina, wo tumulung an dior im pawetaan i raragés. Sia makatimboi im patemburan in dupa si niéma' a mas owo. Sia winéan kumeli-keli kamenyan e iragés mewali-wali wo in somba-sombayang im pakasa é tou le'nas am bawo im pawetaan i raragés niéma' a mas owo si pakatulir an dior im palukutan pasiri-siriin itu.