Wahyu 8:12 - En Taar Weru a nunuwu' é Tontemboan

¹² Wo si malaékat kaepat sumengo in terompétna, wo sangapetelu i yéndo, serap wo sé sumesendot kinapasutan akar sangapetelu asé im pakasa sé kinapasutan itu mariréimbeng. Wo in taniitu sangapetelu in endo mariréimbeng, taniitu ka'i sé sangapetelu im bengi.

Wahyu 8:12 ပူးပေါင်းရင်းမြစ်များ

Matius 24:29

“Kekawus ing kawenduan asé endo itu, ‘Si yéndo mariréimbeng oka wo si serap ra'io ka'i tumélang. Sé sumesendot an langit makarongko-rongkor oka wo pakasa eng kawasa an langit malicoko oka.’

Matius 27:45

Tumo'tol asi jam duabelas, pakasa in sangkum in tampa itu mariréimbeng akar asi jam tiga im bawaando.

Markus 13:24

“Taan kekawus ing kawenduan asé endo itu, si yéndo mariréimbeng oka wo si serap ra'io ka'i tumélang.

Markus 15:33

Asi jam duabelas, pakasa in sangkum in tampa itu mariréimbeng akar asi jam tiga im bawaando.

Lukas 21:25

“An tutuw si Toyaang i Tou maai sumawel, awéan tuu-tuus sé kalinteren oka mai e mamuali asi yéndo, serap wo a sé sumesendot. Wo pakasa sé tou ang kayo'baan maindé' oka wo mabingo an tutuw luminga in deges repet keli si kalinteren oka mai wo en téngéna in sempa' wangker an ta'sic si kaindéén oka mai.

Kisah Para Rasul 2:20

Si yéndo mariréimbeng oka keli wo en serap maréindang oka tanu in enda'. Pakasa en itu mamuali owo an tutuw ra'ipé' imai en endo i Casuruan, si endo wangko' wo ra'io icakua itu.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

Wahyu 12:4

Wo en ipusna méso' sé sangapetelu sumesendot an langit wo iténdélna ang kayo'baan. Si naga itu tumulung an dior i wéwéné si tawio makéré toyaang en lumo'mot si toyaangna, sa si toyaang itu tumou.

Wahyu 16:10

Kekawus in itu ituas i malaékat kalima sé an untep im paelepanna itu am palukutan pasiri-siriin i binatang itu wo eng kakolanoanna mariréimbéng, akar séra kumarét in lila' éra ampa'paan menanang i me'nget.

Wahyu 6:12

Kaséréanku, an tutuw i Toyaang i Domba muka' in ségél kaenem, mangéroo mai eng kayo'baan repet keli. Si yéndo imawuring tanu ing karai wuring si kanaramen pengapakén é mala'lu wo si serap maréindang tanu in enda'.

Wahyu 9:15

Wo sé epat malaékat sé aitu'tulo itu iwekar wosama' patén éra sé sangapetelu tou ang kayo'baan. Séra itu aitantuo iwekar asi jam, endo, serap, wo asi ta'un itu.

Wahyu 9:18

Sangapetelu é tou ang kayo'baan pinaté é telu kawangkuran siituo en api, tembur wo i walélang sé makesot am ba'ba' é kawayo-kawayo itu.