Wahyu 8:10 - En Taar Weru a nunuwu' é Tontemboan

¹⁰ Wo si malaékat katelu sumengo in terompétna, wo rumongkorai ka'i an langit owo si esa sumesendot wangker si mengembu-ngembung tanuoka im pakaembung in obor, wo irumongkor an sangapetelu in doyo-royongan wo ka'i am pakasa im palemboian in dano.

Wahyu 8:10 ပူးပေါင်းရင်းမြစ်များ

Matius 25:1

“Eng Kakolanoan in Sorga meputé wo in andéan anio': awéan sangapulu' mangala'un mindo in sosoloan mangé sumungkul si tuama kumawéng.

Lukas 10:18

Icua i Yesus ai séra, “Én. Sinéré-Kuo si kikiiten é sétang ilumepok an langit owo tanuoka kilat.

Yudas 1:13

Séra itu tanuoka in sempa' wangker si tumela'u in lewa' wo i noo an ta'sic. Séra itu ka'i tanuoka sé sumesendot sé ra'ica metu'tul si asalo mengéra-ngéra en tampana. En tampa é tou itu tinu'tulo i Amang Kasuruan asi tampa uli-ulit riréimbeng akar ing kauré-uré.

Wahyu 1:20

Sé sinérémuo itu eng kaangéanna icaenepé'. Si anioo eng kaangéanna sé pitu sumesendot sé sinérémuo ang kama kakan-Ku, wo sé pitu totombol patuliran in sosoloan niéma' a mas itu: sé pitu sumesendot itu malaékat sé mengatéir sé pitu jamaat, wo sé pitu patuliran in sosoloan, siituo sé pitu jamaat.”

Wahyu 12:4

Wo en ipusna méso' sé sangapetelu sumesendot an langit wo iténdélna ang kayo'baan. Si naga itu tumulung an dior i wéwéné si tawio makéré toyaang en lumo'mot si toyaangna, sa si toyaang itu tumou.

Wahyu 14:7

Si malaékat itu kumua in taangko', “Maindé'o mangé a si Amang Kasuruan, irayoo wo siriino mangé Sia! Ampa'paan an témponao Sia maai makim pakasa sé tou. Apoono mangé Sia si méma' in langit wo in tana', in ta'sic wo im pakasa em palemboian in dano!”

Wahyu 16:4

Wo ituas i malaékat katelu sé an untep im paelepanna itu am pakasa in doyongan wo am pakasa im palemboian in dano, wo pakasa en dano mamuali enda'.

Wahyu 6:13

Wo sé sumesendot an langit merongko-rongkor ang kayo'baan tanu in tuura in ara mengarongkor im bua-wua'na sé rowaré' pakésé in deges repet.

Wahyu 8:7

Wo si malaékat kataré sumengo in terompétna, wo mamualio mai en uran éis wo api kinemu in enda'. Wo pakasa in itu iténdél ang kayo'baan. Sangapetelu ing kayo'baan wo sangapetelu in tuu-tuura ing kayu wo pakasa en dukut makatunu-tunu.

Wahyu 9:1

Wo sengono i malaékat kalima en terompétna, wo sérénku si esa sumesendot an langit owo rumongkorai ang kayo'baan. Wo si sumesendot itu winéan ing kukusi' e muka' im papalen pauntepan ang kepal im papaté.

Wahyu 9:15

Wo sé epat malaékat sé aitu'tulo itu iwekar wosama' patén éra sé sangapetelu tou ang kayo'baan. Séra itu aitantuo iwekar asi jam, endo, serap, wo asi ta'un itu.

Wahyu 9:18

Sangapetelu é tou ang kayo'baan pinaté é telu kawangkuran siituo en api, tembur wo i walélang sé makesot am ba'ba' é kawayo-kawayo itu.