Wahyu 7:17 - En Taar Weru a nunuwu' é Tontemboan

¹⁷ Ampa'paan si Toyaang i Domba si an uner im palukutan pasiri-siriin itu mamuali oka gembala éra, wo akinen-Na séra mangé asi palemboian in dano si mengawéé ing katouan. Wo pisin oka i Amang Kasuruan pakasa en dano im beren éra.”

Wahyu 7:17 ပူးပေါင်းရင်းမြစ်များ

Matius 2:6

‘Ico Betlehem an tana' Yehuda, ico ra'io ka'i kota si tumeki-tekic an uner é kota an Yehuda, ampa'paan ai coo maai oka si esa Tou e merénta sé tou-Ku Israel.’ ”

Matius 5:4

Pakakamangen sé tou mala'lu-la'lu, ampa'paan séra itu iboren oka.

Yohanes 10:11

Yakuo si gembala sama'. Si gembala sama' sumarakan in owakna en lumowir sé dombana.

Yohanes 10:14

Yakuo si gembala sama'. Katuusan-Ku sé domba-Ku, wo sé domba-Ku ka'i makatuus Yaku,

Yohanes 4:10

Isowat i Yesus ai sia, “Sa raké' woo kailekan i inang sapa si casalé' iwéé i Amang Kasuruan wo makailek si séi réén Aku si mangilek woo elepen, tantu si inang mangilek oka a Yaku, wo iwéé-Ku oka a si inang en dano si mawéé ing katouan.”

Yohanes 4:11

Icua i wéwéné itu a si Yesus, “Si Tuang ra'ica wana ipasaap in dano, wo em parigi anio' rarem keli. Tumambisa réén si Tuang makéré in dano si mawéé ing katouan itu?

Yohanes 4:14

Taan si séike' e melep in dano si aiwéé-Ku, sia ra'io ka'i maré'om akar ing kauré-uré, ampa'paan en dano si iwéé-Ku itu mamuali oka palemboian in dano an owakna. En dano itu melembo-lemboi an owakna akar sia menonou akar ing kauré-uré.”

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

1 Petrus 5:2

Téiran iow sé tou maéman a si Yesus sé aitoké i Amang Kasuruan ai camu. Téiran iow séra kaputé i gembala matéir sé dombana. Téiran iow séra ra'ica ampa'paan pinelesé' taan ang karapi in arui en até, kumiit ing kasalé'an i Amang Kasuruan. Wo tioo ampa'paan maéré-éré ing kalébéan, taan ang karapi i mauli-ulit tumawang iséra.

Wahyu 14:4

Séra itu sé tou menonou le'nas, tanuoka sé tuama si ra'ipé' kawisa tumekel ang karapi é wéwéné ampa'paan séra miara ing kale'nasan. Sé tou itu uli-ulit makiit si Toyaang i Domba am bisa-wisake' en angéan-Na. Séra itu sé tinu'buso an uner é tou e mamuali raragés kataré a si Amang Kasuruan wo a si Toyaang i Domba.

Wahyu 21:22

Ra'io kaséréanku mai em Balé Le'nas an untep ing kota itu, ampa'paan em Balé Le'nas ituo si Amang Kasuruan in esa, si Casuruan Si Makakawasa wo ka'i si Toyaang i Domba itu.

Wahyu 21:23

Eng kota itu ra'io ka'i maperlu si yéndo wo si serap en sumendot, ampa'paan si Amang Kasuruan si wuta in darayo wo in sisiri', iméé mai in sendot, wo si Toyaang i Domba ituo en sosoloanna.

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”

Wahyu 21:6

Icua-Na ka'i a yaku, “Pakasa imamualio. Yakuo si Alfa wo si Omega, si Kumataré wo si Ka'karan. Si séike' si maré'om, sia wéan-Ku oka elepen si asalo aitambér, asi palemboian in dano si mawéé ing katouan.

Wahyu 22:1

Wo ituru' ka'i i malaékat a yaku en doyongan in dano ing katouan, en danona léno kaputé ing kristal. Wo en doyongan itu makesotai asi palukutan pasiri-siriin i Amang Kasuruan wo asi palukutan pasiri-siriin i Toyaang i Domba,

Wahyu 4:11

“O, Kasuruan! O, Amang Kasuruan ami! Wayake' Ico em patus makéré in darayo, wo in sisiri' wo ing kawasa. Ampa'paan si Casuruan méma'o im baya-waya, wo ampa'paano ing kasalé'an-Mu pakasa en itu niéma'o wo awéan.”

Wahyu 5:6

Wo sérénku awéan esa Toyaang i Domba tanu sumangkumo pinaté, makatulung an uner im palukutan pasiri-siriin wo sé epat mahluk wo an uner é matu'a itu. Sia makaanu pitu sungé wo pitu weren. Sé pitu weren ituo sé pitu Roh i Amang Kasuruan sé ayutus am pakasa ing kayo'baan.