Wahyu 6:16 - En Taar Weru a nunuwu' é Tontemboan

¹⁶ Wo icua éra a sé kuntung wo a sé watu itu, “Mapokalo mai wo tawunano mai kami wosama' kami caenep ai Sia si makalukut asi palukutan pasiri-siriin itu wo icaséip ang kae'bowan i Toyaang i Domba itu.

Wahyu 6:16 ပူးပေါင်းရင်းမြစ်များ

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Markus 3:5

Téintengen-Na séra im baya sé an li'cir-Na ang karapi in e'bow. Sia matapé ampa'paan séra keté até. Wo icua-Na a si tou itu, “Yuluro mai eng kamamu.” Wo yulurna eng kamana wo asi témpo ituke' imasama'o eng kamana.

Lukas 23:30

Asi témpo itu sé tou okoien oka, akar séra tumo'tolo makua in tana'i a sé kuntu-kuntung, ‘Sa woo ro'na, tawunano mai im pokal kami!’ Wo makua a sé tola-tolaina in tana'i, ‘Sa woo ro'na, mokalo mai ai cami!’

Wahyu 10:6

wo sumumpa ai Sia si menonou akar ing kauré- uré, si méma' in langit wo pakasa sé an untepna, in tana' wo pakasa sé an untepna, in ta'sic wo pakasa sé an untepna. Icua i malaékat itu in tana'i, “En témpona ra'io ka'i pelando-landoi!

Wahyu 19:15

Wo am ba'ba'-Na makesotai esa sa'bel telew si kumala oka pakasa im bangsa. Peréntan-Na oka séra maké im beka' bési wo Sia in esa en tumepes im bua'na in anggor am patepesan ing kae'bowan i Amang Kasuruan Si Makakawasa.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.

Wahyu 4:2

Tutuw ituke' e Roh i Amang Kasuruan kumawasa Yaku, wo kaséréanku an sorga esa palukutan pasiri-siriin, wo awéan esa Tou makalukut am palukutan pasiri-siriin itu.

Wahyu 4:5

Wo asi palukutan pasiri-siriin si an unera, kinesotanai in télang ing kilat wo pakiiten in erut ing guntur melio-liondong. An dior im palukutan pasiri-siriin itu awéan pitu obor maembung, siituo sé pitu Roh i Amang Kasuruan.

Wahyu 4:9

Wo susur é epat mahluk itu kumantar ing kakantaren rarayoan, siri' wo méé makapulu'sama' ai Sia si makalukut asi palukutan pasiri-siriin wo si menonou akar ing kauré-uré itu,

Wahyu 5:1

Kekawus in itu sérénku esa gulungan kitap si ang kama kakan-Na si makalukut am bawo im palukutan pasiri-siriin itu. Eng gulungan ing kitap itu pinatican waya an untep wo ang kesot, wo sinégél im pitu ségél.

Wahyu 6:10

Wo sé mu'kur itu kumua in taangko' keli, “O Kasuruan Si Makakawasa si le'nas wo wutul! Urépé' réén sé tou ang kayo'baan akimen i Casuruan? Wo kawisa réén suliin-Mu sé tou imaté icami?”

Wahyu 9:6

Asi lima ngaserap itu, sé tou mangéré woo im papaté, taan ra'ica kinéréan éra, wo masalé' woo maté, taan em papaté itumayango ai séra.