Wahyu 6:10 - En Taar Weru a nunuwu' é Tontemboan

¹⁰ Wo sé mu'kur itu kumua in taangko' keli, “O Kasuruan Si Makakawasa si le'nas wo wutul! Urépé' réén sé tou ang kayo'baan akimen i Casuruan? Wo kawisa réén suliin-Mu sé tou imaté icami?”

Wahyu 6:10 ပူးပေါင်းရင်းမြစ်များ

Lukas 2:29

“O Kasuruan, indior si Amang Kasuruan ijumanjio a yaku wo intarépé' en janji itu linekepo i Amang Kasuruan. Anaé, iwayao mai si ata-Mu anio' maté ang kaeluran.

Lukas 21:22

Ampa'paan asé endo ituo en orasna i Amang Kasuruan méé ukuman, wosama' pakasa sé aipatic ang Kitap Le'nas lekepen.

Roma 12:19

Poo-poow sé icaupusku, tioo pasuliin iow in léwo' sé tou mengaéma' in léwo' ai camu, taan mandéo si Amang Kasuruan en tumuru' ing kae'bowan-Na. Ampa'paan ang Kitap Le'nas aipatic in tana'i, “Icua i Casuruan: Yakuo en awéan hak en sumuli', Yaku oka e méé in ukuman.”

Ibrani 12:24

Wo kamu mai meta'up ka'i wo si Yesus, si maali mai im perjanjian weru i Amang Kasuruan a sé tou. Wo mai ka'i asi enda' im perjanjian weru si makatiti-titis e méé ing kaampungan ing kamesé-meséaan a sé tou. Sa taniitu en enda' i Yesus en lébé awéan wééna wo in enda' i Habel, ampa'paan en enda' i Habel si makatiti-titis asaloke' in sumuli' im pinanganat i Kain.

2 Petrus 2:1

Indior, an uner é tou i Amang Kasuruan, imapaturu'o sé nabi ra'ica wutul. Tanu siituo ka'i an uner iow, mapaturu' oka mai ka'i sé guru ra'ica wutul. Em paangé-angén éra en sumusui in sususuien mengasélé'kow si mengawali sé tou am papaté. Sé guru ra'ica wutul itu mengakélong si Apo' Yesus si Makakawasa si tumu'buso ing kamesé-meséaan éra. Ampa'paano in itu, séra makala'us oka patén.

Wahyu 11:18

Wo pakasa im bangsa mae'bowo, taan an témponao Ko tumuru' in e'bow-Mu wo makim sé tou imatéo. Si anioo en témpona e méé in laasa a sé ata-Mu, sérao sé nabi, wo pakasa sé tou le'nas, wo sé tou sé maindé' i ngaran-Mu, sé tou sé ra'ica pengasiriin kuma'pa sé tou pengasiriin. Si anioo en témpona ka'i e maté sé tou en luméwo' ing kayo'baan.”

Wahyu 18:20

Maaru-aruio mangé éi sorga, éi tou le'nas, sé ruru'du'an wo sé nabi! Ampa'paan sia niukumo i Amang Kasuruan, tanu in susuli' a sé kaléwo-léwo'an sé niéma'na ai camu.”

Wahyu 18:24

An untepna kinéréan enda' é nabi, enda' é tou le'nas wo enda' waya é tou sé pinaté ang kayo'baan.

Wahyu 19:2

Ampa'paan Sia maakim im butul wo ra'ica marapit. Wo winéan-Nao ukuman si wéwéné sundal itu, si iluméwoo ing kayo'baan ang karapi im peri kasundalan. Wo en enda' é ata-Na aisuli'-Nao a si wéwéné sundal itu.”

Wahyu 3:10

Kiniitano miow em peré-perénta-Ku ang karapi in talesen. Ampa'paan in itu loindongen-Ku oka kamu asi oras im pangepé'an si maai oka ang kayo'baan e mangepé' iséra sé maento' ang kayo'baan.

Wahyu 3:7

“Ipatico mio' a si malaékat si mengatéir in jamaat an Filadelfia. Si anioo en taar Si Le'nas, Si Wutul, Si makakulu ing kukusi' i Daud. Sa em papalen winukaan-Nao, ra'ica wana e ro'na malen. Wo sa kinusi'an-Nao, ra'ica wana e ro'na muka'.