Wahyu 5:5 - En Taar Weru a nunuwu' é Tontemboan

⁵ Wo esaan asé rua ngapulu' epat matu'a kumua a yaku, “Tioo ko maamé'! Séréno! Awéan Singa asé suku i Yehuda owo, Siao si taranak i Daud. Sia muntungo akar Sia ro'na muka' sé pitu ségélna wo ing gulungan kitap itu.”

Wahyu 5:5 ပူးပေါင်းရင်းမြစ်များ

Lukas 23:28

Wo si Yesus suméléng ai séra wo kumua, “Éi wéwéné-wéwéné Yerusalem! Tioo paamé'an iow Aku. Taan amé'ano mio' en owak iow in esa wo sé toyaang iow!

Lukas 7:13

Keséré i Apo' Yesus si wéwéné balu itu, makala'us mai eng kaupusan-Na ai sia. Wo icua-Na a si wéwéné balu itu, “Inang, nomoo mengamé-ngamé'!”

Lukas 8:52

Pakasa sé tou mengamé-ngamé' wo masesendu'an repet a si toyaang itu. Taan icua i Yesus, “Nomo mengamé-ngamé'! Si toyaang itu ra'ica imaté, taan asalo tumekel.”

Yohanes 20:13

Wo wuéien é malaékat itu ai sia, “Inang, kéitu réén ko maamé'?” Isowat i Maria, “Si Tuangku niindoo é tou, wo ra'ica kailekanku am bisa em binetaan éra Sia.”

Roma 1:3

En Abar Kaaruien itu andumoro' i Toyaang-Na, si Apo'ta Yesus Kristus. Sa sérén eng katouan tanu in tou, Sia itu taranak i colano Daud,

Roma 15:12

Wo ka'i si nabi Yesaya kumua in tana'i, “Maai oka si esa tou asi taranak i Isai owo. Wo Sia maai oka e merénta a sé pakasa in tou ra'ica Yahudi. Wo ai Siao pakasa sé tou méé oka im paarapen.”

Ibrani 7:14

Pakasa en tou makaileko sapaoka si Apo' Yesus itu taranak in suku Yehuda, wo si Musa ra'ica isumangkum ako tumuul i ngaran in suku itu tutuwna maroma' in andumoro' sé imam.

Wahyu 1:1

An untep ing kitap anio' aipatic andumoro' sé kamamualian sé makala'us mamuali. Sé kamamualian itu aituru'o i Amang Kasuruan a si Yesus Kristus wosama' ro'na ituru' i Yesus a sé ata-Na. Kekawus in itu yutus i Yesus si malaékat-Na e maai a si ata-Na Yohanes en sumisil sé kamamualian itu.

Wahyu 22:16

Icua ka'i i Yesus, “Yaku, si Yesus imutuso si malaékat-Ku e méé ing kasairian andumoro' pakasa im perkara anio' ai camu torona é jamaat. Yakuo en sééna, si taranak i Daud, si lolouren si sumendo-sendot.”

Wahyu 3:21

Si tou muntung ilukut-Ku oka sia ang karapi-Ku asi palukutan pasiri-siriin-Ku, meputé wo Yaku si muntungo wo lumukut mewali-wali wo si Amang-Ku asi palukutan pasiri-siriin-Na.

Wahyu 4:10

sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Wahyu 4:4

Wo an li'cir im palukutan pasiri-siriin itu awéan ka'i rua ngapulu' epat palukutan pasiri-siriin walina. Wo asé palukutan pasiri-siriin itu, makalukut rua ngapulu' epat matu'a sé mekarai ing kulo' wo an do'kos éra awéan mahkota mas.

Wahyu 5:4

Wo aku maamé' in sesendu'an, ampa'paan ra'ica wana mandé esake', tou em patus muka' ing gulungan kitap itu kuma'pa suméré sé an untepna.

Wahyu 6:1

Wo kaséréanku si Toyaang i Domba muka' in ségél kataré asé pitu ségél. Wo kalingaanku esa asé epat mahluk itu maangko', tanuoka in erut maténgé. Icuana, “Mayoo!”

Wahyu 7:13

Wo esaan asé matu'a itu mamuéi a yaku, “Si séi réén séra sé makapaké in juba kulo' itu? Am bisa owo réén séra wo mai?”