Wahyu 4:4 - En Taar Weru a nunuwu' é Tontemboan

⁴ Wo an li'cir im palukutan pasiri-siriin itu awéan ka'i rua ngapulu' epat palukutan pasiri-siriin walina. Wo asé palukutan pasiri-siriin itu, makalukut rua ngapulu' epat matu'a sé mekarai ing kulo' wo an do'kos éra awéan mahkota mas.

Wahyu 4:4 ပူးပေါင်းရင်းမြစ်များ

Matius 19:28

Icua i Yesus ai séra, “En ulitna icua-Ku mangé ai camu, ang kayo'baan weru, si Toyaang i Tou lumukut oka am palukutan-Na iparayo-rayo wo pasiri-siriin e makim waya sé tou. An tutuw itu, kamu im baya é murit-Ku lumukut oka ka'i asi sangapulu' rua palukutan pasiri-siriin mewali-wali wo Yaku e makim sé sangapulu' rua suku é Israel.

Lukas 22:30

Anaé, icamu wo Yaku mewali-wali oka kuman wo melep an esa méja ang Kakolanoan-Ku. Wo kamu ka'i lumukut oka am palukutan pasiri-siriin e merénta sé sangapulu' rua suku tou Israel.”

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

Wahyu 11:16

Wo sé rua ngapulu' epat matu'a sé makalukut am palukutan pasiri-siriin éra an dior i Amang Kasuruan kumundu wo kumuru en sumiri' a si Amang Kasuruan.

Wahyu 14:3

An dior im palukutan pasiri-siriin wo an dior é epat mahluk wo sé matu'a itu, sé sangaatus epat ngapulu' epat ngariwu tou makantar esa kakantaren weru. Ra'ica wana esaan tou ka'i e ro'na majar ing kakantaren itu, aluar iséra. Séra ituo sé tou sé tinu'buso i Amang Kasuruan ang kayo'baan anio'.

Wahyu 19:14

Wo pakasa sé suraro an sorga kumiit ai Sia. Séra makasaké asi cawayo kulo' wo mekarai in lénen alus kulo' weresi.

Wahyu 19:4

Wo sé rua ngapulu' epat matu'a wo sé epat mahluk itu kumundu wo kumuru en sumiri' a si Amang Kasuruan si makalukut am palukutan pasiri-siriin. Wo icua éra, “Ulit! Irayoo mangé si Amang Kasuruan.”

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.

Wahyu 20:4

Kekawus in itu sérénku em palukutan pasiri-siriin, wo sé makalukut am bawona. Séra winéan kawasa e makim. Wo sérénku ka'i sé mu'kur é tou sé imaté pinokolan in do'kos ampa'paan mengasairi in andumoro' i Yesus wo ka'i mengakua in Taar i Amang Kasuruan. Séra sé tou sé ra'ica makuru en sumiri' a si binatang itu wo im patongna, wo ra'ica tumerima in tuusna an tuintung wo ang kama éra. Séra itu tinou sumawel wo merénta mewali-wali wo si Kristus sangariwu ngata'un eng kauréna.

Wahyu 3:18

Ampa'paan in ituo, sina'uen-Ku kamu en tumeles mas a Yaku, si matuléno in api, wosama' kamu masiya'. Tumeleso karai kulo' a Yaku wosama' pakén iow wo ra'ica malawi' sérén é tou metangkol. Wo tumeleso solo eng kisu am beren wosama' kamu ro'na suméré.

Wahyu 4:10

sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Wahyu 4:6

An dior im palukutan pasiri-siriin itu awéan ta'sic kaca eng kaweresina tanuoka ing kristal. Wo em palukutan pasiri-siriin itu pakali'ciren é epat mahluk, en owak éra wuta im beren an dior wo an somoi.

Wahyu 5:11

Kekawus in itu sérénku wo linganku en suara é kelian malaékat sé lumi'cir im palukutan pasiri-siriin, sé mahluk wo sé matu'a itu, eng kakeli éra mariwu-riwu wo mayuta-yuta.

Wahyu 5:14

Wo sé epat mahluk itu kumua, “Ulit!” Wo sé matu'a itu ka'i kumundu wo kumuru in sumiri'.

Wahyu 5:6

Wo sérénku awéan esa Toyaang i Domba tanu sumangkumo pinaté, makatulung an uner im palukutan pasiri-siriin wo sé epat mahluk wo an uner é matu'a itu. Sia makaanu pitu sungé wo pitu weren. Sé pitu weren ituo sé pitu Roh i Amang Kasuruan sé ayutus am pakasa ing kayo'baan.

Wahyu 5:8

An tutuw Sia mindo ing gulungan kitap itu, sé epat mahluk wo sé rua ngapulu' epat matu'a kumundu an dior i Toyaang i Domba itu. Sé mahluk wo sé matu'a itu makatimboi mekélé esa kecapi wo mekélé esa paelepan mas si wuta ing kamenyan. Siituo en sombayang é tou le'nas.

Wahyu 6:11

Wo sé mu'kur itu winéan mekélé esa karai lambot kulo' wo séra kinuanan i mento'pé' toyo' ka'i akar eng kakeli éra malekep. Ampa'paan awéané' sé kara-karapi éra maselewir wo sé poo-poow éra esa paémanen sé patén oka tanu iséra.

Wahyu 7:11

Kekawus in itu, pakasa sé malaékat tumulung wo lumi'cir im palukutan pasiri-siriin ang karapi é matu'a wo sé epat mahluk itu. Sé malaékat itu kumundu an dior im palukutan pasiri-siriin, wo kumuru en sumiri' a si Amang Kasuruan.

Wahyu 7:9

Kekawus in itu, sérénku ka'i sangareru' tou sé ra'io karékénan eng kakelina. Séra itu asé im pakasa im bangsa, in suku, i negara, wo i nunuwu'. Séra makatulung an dior im palukutan pasiri-siriin wo an dior i Toyaang i Domba itu. Séra mekarai ing kulo' wo eng kama éra makatimboi in lala-lalaina im palem.

Wahyu 9:7

E modél é komong itu tanuoka kawayo-kawayo sé tu'tulo mangé merang. An do'kos éra awéan tanuoka mahkota mas, wo eng gio éra tanuoka ing gio é tou.