Wahyu 4:10 - En Taar Weru a nunuwu' é Tontemboan

¹⁰ sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Wahyu 4:10 ပူးပေါင်းရင်းမြစ်များ

Matius 2:11

Wo séra muntep am balé itu, sérén éra si Toyaang itu ang karapi i Maria inang-Na. Wo séra kumundu wo kumuru en sumiri' si Toyaang itu. Wukaan éra en tampa pengaémaan ing kasiyaan wo iwéé éra eng kasiyaan éra tanu raragés ai Sia tanumai mas, kamenyan wo mur.

Lukas 24:52

Wo séra kumundu maapo' ai Sia wo séra maréng angé an Yerusalem mawuta-wuta ing kaaruian.

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

Wahyu 10:6

wo sumumpa ai Sia si menonou akar ing kauré- uré, si méma' in langit wo pakasa sé an untepna, in tana' wo pakasa sé an untepna, in ta'sic wo pakasa sé an untepna. Icua i malaékat itu in tana'i, “En témpona ra'io ka'i pelando-landoi!

Wahyu 11:16

Wo sé rua ngapulu' epat matu'a sé makalukut am palukutan pasiri-siriin éra an dior i Amang Kasuruan kumundu wo kumuru en sumiri' a si Amang Kasuruan.

Wahyu 15:4

Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”

Wahyu 15:7

Wo esaan asé epat mahluk itu méé mekélé esa paelepan mas a sé pitu malaékat. Sé pitu paelepan itu wuta in anggor kae'bowan i Amang Kasuruan si menonou akar ing kauré-uré.

Wahyu 19:4

Wo sé rua ngapulu' epat matu'a wo sé epat mahluk itu kumundu wo kumuru en sumiri' a si Amang Kasuruan si makalukut am palukutan pasiri-siriin. Wo icua éra, “Ulit! Irayoo mangé si Amang Kasuruan.”

Wahyu 4:2

Tutuw ituke' e Roh i Amang Kasuruan kumawasa Yaku, wo kaséréanku an sorga esa palukutan pasiri-siriin, wo awéan esa Tou makalukut am palukutan pasiri-siriin itu.

Wahyu 4:4

Wo an li'cir im palukutan pasiri-siriin itu awéan ka'i rua ngapulu' epat palukutan pasiri-siriin walina. Wo asé palukutan pasiri-siriin itu, makalukut rua ngapulu' epat matu'a sé mekarai ing kulo' wo an do'kos éra awéan mahkota mas.

Wahyu 4:9

Wo susur é epat mahluk itu kumantar ing kakantaren rarayoan, siri' wo méé makapulu'sama' ai Sia si makalukut asi palukutan pasiri-siriin wo si menonou akar ing kauré-uré itu,

Wahyu 5:14

Wo sé epat mahluk itu kumua, “Ulit!” Wo sé matu'a itu ka'i kumundu wo kumuru in sumiri'.

Wahyu 5:8

An tutuw Sia mindo ing gulungan kitap itu, sé epat mahluk wo sé rua ngapulu' epat matu'a kumundu an dior i Toyaang i Domba itu. Sé mahluk wo sé matu'a itu makatimboi mekélé esa kecapi wo mekélé esa paelepan mas si wuta ing kamenyan. Siituo en sombayang é tou le'nas.

Wahyu 7:11

Kekawus in itu, pakasa sé malaékat tumulung wo lumi'cir im palukutan pasiri-siriin ang karapi é matu'a wo sé epat mahluk itu. Sé malaékat itu kumundu an dior im palukutan pasiri-siriin, wo kumuru en sumiri' a si Amang Kasuruan.