Wahyu 4:1 - En Taar Weru a nunuwu' é Tontemboan

¹ Kekawus in itu, yaku pinapaturu'an esa papalen si makawuka' an sorga. Wo kalingaanku ka'i en suara si sumangkumo liningaku, en suara itu tanuoka in téngéna in terompét si makua, “Sumosoro mai! Ituru'-Ku oka ai co sapa e mamuali sa.”

Wahyu 4:1 ပူးပေါင်းရင်းမြစ်များ

Matius 3:16

Kumawusai nibaptis, si Yesus makala'us kumesot an dano wo asi témpo ituke' en langit mawuka' wo kaséréan-Na e Roh i Amang Kasuruan tanuoka mombo tumumpa mai ai Sia.

Markus 1:10

Kekesotai i Yesus an dano, makala'us sérén-Na mangé en langit mawuka' wo e Roh i Amang Kasuruan si tanuoka mombo, tumumpa mai ai Sia.

Lukas 3:21

Pakabaptisenai i Yohanes sé tou keli itu wo baptisennao ka'i si Yesus. Ang karoro'an i Yesus masombayang, mawuka'o mai en langit

Yohanes 16:13

Taan sa Sia maai, Siao e Roh si tumuru' in sususuien wutul i Amang Kasuruan, isusui-Na oka ai camu akar kailekan iow pakasa sé sususuien wutul andumoro' i Amang Kasuruan. Ampa'paan Sia ra'ica kawisa mengaroma' makiit im bewerot-Na in esa, taan Sia maroma' kumiit sapa sé lininga-Na. Wo icua-Na oka ka'i ai camu andumoro' in sapa sé mamuali sa.

Kisah Para Rasul 10:11

Kaséréanna en langit mawuka' wo tumumpamai tanu esa kaéng welar. Eng kaéng itu aitumpa mai an tana' imaké in tali aiwa'kes an epat ruuna ing kaéng itu.

Kisah Para Rasul 7:56

Wo icua i Stefanus, “Uli-ulit, kinaséréanku en langit imawuka' wo si Toyaang i Tou makatulung ang kakan i Amang Kasuruan.”

Wahyu 1:10

Asi endo ipasombayang, yaku kinawasa i Roh i Casuruan wo palinganku an somoiku awéan manuwu' in taangko' keli, tanu in téngéna in terompét.

Wahyu 1:12

Wo sérénku an somoi si séi si manuwu' a yaku. Wo kaséréanku sé pitu totombol patuliran in sosoloan niéma' a mas owo.

Wahyu 1:19

Ampa'paan in ituo patico mio' sé sinérémuo, andumoro' sé mamuali intarépé' wo sé mamuali oka sa.

Wahyu 11:12

Wo sé rua nabi itu luminga awéan suara taangko' an sorga makua ai séra in dua, “Sumosoro mai am bia'i!” Wo séra in dua icaangkai angé an sorga pakasaputen ing kambung, pakasérén waya é kaséké' éra.

Wahyu 11:19

Kekawus in itu, mawuka'o mai em Balé Le'nas i Amang Kasuruan an sorga, wo kaséréano em piti im perjanjian-Na an untep im Balé Le'nas itu. Wo mamuali mai eng kilat wo en téngéna in erut wo em pangéro' wo en uran éis repet keli.

Wahyu 16:17

Kekawus in itu tuas i malaékat kapitu sé an untep im paelepanna an langit, wo kalingaan en suara taangko' am palukutan pasiri-siriin owo si am Balé Le'nas, makua in tana'i “Kumawuso waya.”

Wahyu 19:11

Kekawus in itu sérénku en sorga makawuka', wo kaséréanku esa kawayo kulo'. An licurna awéan Tou e makalukut, ngaran-Na ‘Si Le'tek wo Si Wutul.’ Sia ra'ica marapit an tutuw i makim wo merang.

Wahyu 22:6

Kekawus in itu, si malaékat itu kumua a yaku, “Sé aicuaku anio' ro'na percayan wo wutul. Wo si Amang Kasuruan si mééo i Roh-Na a sé nabi, ayutus-Nao si malaékat en tumuru' a sé ata-Na sapa sé ra'io uré mamuali sa.”