Wahyu 3:21 - En Taar Weru a nunuwu' é Tontemboan

²¹ Si tou muntung ilukut-Ku oka sia ang karapi-Ku asi palukutan pasiri-siriin-Ku, meputé wo Yaku si muntungo wo lumukut mewali-wali wo si Amang-Ku asi palukutan pasiri-siriin-Na.

Wahyu 3:21 ပူးပေါင်းရင်းမြစ်များ

Matius 19:28

Icua i Yesus ai séra, “En ulitna icua-Ku mangé ai camu, ang kayo'baan weru, si Toyaang i Tou lumukut oka am palukutan-Na iparayo-rayo wo pasiri-siriin e makim waya sé tou. An tutuw itu, kamu im baya é murit-Ku lumukut oka ka'i asi sangapulu' rua palukutan pasiri-siriin mewali-wali wo Yaku e makim sé sangapulu' rua suku é Israel.

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Lukas 22:30

Anaé, icamu wo Yaku mewali-wali oka kuman wo melep an esa méja ang Kakolanoan-Ku. Wo kamu ka'i lumukut oka am palukutan pasiri-siriin e merénta sé sangapulu' rua suku tou Israel.”

Yohanes 13:32

Wo sa si Amang Kasuruan parayo-rayo wo pasiri-siriin ampa'paano Yaku, émaan-Na oka Aku parayo-rayo wo pasiri-siriin, wo en itu makala'us émaan-Na.”

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

2 Timotius 2:12

Sa kita kasake' le'tek maéman ai Sia, kita ka'i merénta oka sé tou mewali-wali wo Sia. Sa kita kumua ra'ica makatuus Sia, Icua-Na oka ka'i Sia ra'ica makatuus icita.

Wahyu 1:6

Wo niéma'-Na kita mamuali tou-Na ang Kakolanoan-Na, wo mamuali imam-imam sé maselewir a si Amang Kasuruan, Amang-Na. A si Yesus Kristuske' e rarayo wo en sisiri', wo eng kakawasaan akar ing kauré-uré. Ulit.

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.

Wahyu 17:14

Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.

Wahyu 2:7

Si séi si makalunteng, lébé loor sia luminga sapa en aicua i Roh a sé jamaat. Si séi si muntung wéan-Ku oka sia kaloasan eng kuman im bua'na in tuura ing katouan si an untep in Taman Firdaus i Amang Kasuruan.”

Wahyu 20:4

Kekawus in itu sérénku em palukutan pasiri-siriin, wo sé makalukut am bawona. Séra winéan kawasa e makim. Wo sérénku ka'i sé mu'kur é tou sé imaté pinokolan in do'kos ampa'paan mengasairi in andumoro' i Yesus wo ka'i mengakua in Taar i Amang Kasuruan. Séra sé tou sé ra'ica makuru en sumiri' a si binatang itu wo im patongna, wo ra'ica tumerima in tuusna an tuintung wo ang kama éra. Séra itu tinou sumawel wo merénta mewali-wali wo si Kristus sangariwu ngata'un eng kauréna.

Wahyu 20:6

Pakakamangen wo line'naso sé tou sé kataré-taré tinou sumawel! Em papaté karua ra'io kumawasa iséra. Taan séra mamuali oka imam-imam sé mengaselewir a si Amang Kasuruan wo a si Kristus, wo séra ka'i merénta oka mewali-wali wo Sia sangariwu ngata'un eng kauréna.

Wahyu 5:10

Séra itu niéma'-Muo mamuali esa kakolanoan, wo mamuali imam-imam i Amang Kasuruanta. Wo séra merénta oka tanu kolano ang kayo'baan.”

Wahyu 6:2

Wo kaséréanku esa kawayo kulo'. Si tou si makasaké asi cawayo itu makatimboi im pana. Wo sia winéan mahkota, wo melala'us angé eng kumala sé kaséké'na wo muntung.

Wahyu 7:17

Ampa'paan si Toyaang i Domba si an uner im palukutan pasiri-siriin itu mamuali oka gembala éra, wo akinen-Na séra mangé asi palemboian in dano si mengawéé ing katouan. Wo pisin oka i Amang Kasuruan pakasa en dano im beren éra.”