Wahyu 3:19 - En Taar Weru a nunuwu' é Tontemboan

¹⁹ Sé tou sé icaupus-Ku, sérao sé romaan-Ku wo samboken-Ku. Ampa'paan in itu maincaya'o mangé sumawel wo mape'diso.

Wahyu 3:19 ပူးပေါင်းရင်းမြစ်များ

Matius 25:7

Kelinga éra in itu, wo séra im baya tumooro wo tu'tulen éra en sosoloan wosama' loor en embungna.

Yohanes 2:17

Wo sé murit i Yesus makata'néi sapaoka ang Kitap Le'nas awéan en aipatic in tana'i, “En upus-Ku asi Walé i Amang Kasuruan wangko' keli, tanuoka api maembung an até-Ku.”

Roma 12:11

Tioo eng kare'deman iow maina', taan mandéo taré kamu incaya' maselewir a si Casuruan ang karapi i roh si aiwéé-Na.

1 Korintus 11:32

Taan sa kita ukumen i Amang Kasuruan, em peangé-angénna en sumusui ai cita e méma' im butul, wosama' kita ra'ica makéré in ukuman akar ing kauré-uré an tutuw Sia mukum sé tou ang kayo'baan sé ra'ica makatuus Sia.

2 Korintus 6:9

En ulitna kami anio' katuusan é keli tou taan sé walina mawerot ra'ica katuusan éra. Kami misi oka imaté, taan kami menonoué'. Mandé kami niokoi, taan kami ra'ica pinaté.

2 Korintus 7:11

Anaé, intarépé' séréno sapa sé imamuali ai camu ampa'paano ing kawenduan si casalé' i Amang Kasuruan itu. En itu, iméma' icamu lébé mauli-ulit kumiit ing kasalé'an i Amang Kasuruan; wo kamu rumaméji méé tuus sapaoka kamu ra'ica meséa'; kamu masuut wo maindé' mengaéma' ing kamesé-meséaan; kamu lébé lumelo wo makaincaya' méma' sapa sé loor wo ra'ica marapit ; wo kamu méé ukuman a sé tou meséa'. Anaé, kamu itumuru'o in tuus, kamu ra'ica meséa' am pakasa in itu.

Galatia 4:18

Iwayao mio' séra mengéma-ngéma' im pawasan loor, ra'ica an tutuwke' aku mewali-wali wo icamu taan ka'i tutuw aku ra'ica mewali-wali wo icamu. Ampa'paan wutul loor sa sé tou maraméji mengaéma' sé loor ang karapi im pawasanna loor.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Yakobus 1:12

Pakakamangeno sé tou talesen masaru im pangepé'an wo kasake' maéman a si Amang Kasuruan, ampa'paan kéréanna oka e mahkota ing katouan akar ing kauré-uré si aijanji-Nao a sé tou sé mengaupus ai Sia.

Wahyu 2:5

Ampa'paan in itu, ta'néieno am bisa owo en linepokan iow wo mape'diso mangé. Wo émaano mangé tanu sé niéma' miow indior tutuw iow werupé' maéman. Sa kamu ra'ica mape'dis, Yaku maai oka ai camu, wo mindo in totombol patuliran in sosoloan iow an tampana.