Wahyu 3:14 - En Taar Weru a nunuwu' é Tontemboan

¹⁴ “Ipatico mio' ka'i a si malaékat si mengatéir in jamaat an Laodikia. Si anioo en taar asi Ulit owo, Sairi le'tek wo wutul, palemboian im pakasa sé niéma' i Amang Kasuruan:

Wahyu 3:14 ပူးပေါင်းရင်းမြစ်များ

Yohanes 1:3

Ang karapi in Taar itu émaan i Amang Kasuruan em baya-wayana awéan. Ra'ica wana mandé esake' sé niéma' i Amang Kasuruan sa ra'ica ampa'paan in Taar itu.

Yohanes 8:14

Isowat i Yesus ai séra, “Mandé ka'i ra'ica wana tou walina e mamuali sairi eng kumeter ing kasairian-Ku anio', eng kasairian-Ku itu wutul. Ampa'paan kailekan-Ku am bisa owo Aku mai wo am bisa en angéan-Ku. Taan ra'ica kailekan iow am bisa owo Aku mai wo am bisa en angéan-Ku.

2 Korintus 1:20

Ampa'paan pakasa en janji i Amang Kasuruan, linekepo i Apo' Yesus. Ampa'paan in ituo icuata, “Ulit” a si Amang Kasuruan ampa'paan i Yesus Kristus. Wo icami méma' taniitu wosama' si Amang Kasuruan iparayo wo pasiriin.

Kolose 1:15

Si Kristus itu tanu paséréan pakasa im peri i Amang Kasuruan si ra'ica kaséréan. Si Kristus itu Toyaang-Na luluna si lébé penting asé pakasa sé niéma'-Na.

Kolose 1:18

Siao si capala matu'tul sé jamaat, kaputé in do'kos si makakawasa in owak. Anaé, Siao en lébé penting wo im baya-waya, ampa'paan Siao si luluna, si kataré-taré tinou sumawel an uner é tou imatéo.

Kolose 2:1

En casalé'ku, wosama' kailekan iow sapaoka uli-ulit uter em paraméjianku en tumawang icamu ang Kolose, wo sé tou an Laodikia wo ka'i pakasa sé tou sé ra'ipé' makatuus yaku an tampa-tampa walina.

Kolose 4:16

Wo sa en surat anio' binacao an uner iow, raméjinio' icirimo mangé a sé jamaat an Laodikia wosama' bacan ka'i an uner éra. Wo en surat si aicirimku a sé jamaat an Laodikia, musti bacan ka'i an uner iow.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.

Wahyu 19:11

Kekawus in itu sérénku en sorga makawuka', wo kaséréanku esa kawayo kulo'. An licurna awéan Tou e makalukut, ngaran-Na ‘Si Le'tek wo Si Wutul.’ Sia ra'ica marapit an tutuw i makim wo merang.

Wahyu 2:1

Wo icua i Toyaang i Tou a yaku, “Patico mio' a si malaékat si mengatéir in jamaat an Efesus: Si anioo en taar si ai Sia owo si makatimboi sé pitu sumesendot ang kama kakan-Na wo si mawaya' am paawuun é pitu totombol patuliran in sosoloan si niéma a mas owo.

Wahyu 21:6

Icua-Na ka'i a yaku, “Pakasa imamualio. Yakuo si Alfa wo si Omega, si Kumataré wo si Ka'karan. Si séike' si maré'om, sia wéan-Ku oka elepen si asalo aitambér, asi palemboian in dano si mawéé ing katouan.

Wahyu 22:13

Yakuo si Alfa wo Omega, Si Kataré-taré wo Si Sumomo-somoi, Si Kumataré wo Si Ka'karan.”

Wahyu 22:6

Kekawus in itu, si malaékat itu kumua a yaku, “Sé aicuaku anio' ro'na percayan wo wutul. Wo si Amang Kasuruan si mééo i Roh-Na a sé nabi, ayutus-Nao si malaékat en tumuru' a sé ata-Na sapa sé ra'io uré mamuali sa.”

Wahyu 3:7

“Ipatico mio' a si malaékat si mengatéir in jamaat an Filadelfia. Si anioo en taar Si Le'nas, Si Wutul, Si makakulu ing kukusi' i Daud. Sa em papalen winukaan-Nao, ra'ica wana e ro'na malen. Wo sa kinusi'an-Nao, ra'ica wana e ro'na muka'.