Wahyu 22:9 - En Taar Weru a nunuwu' é Tontemboan

⁹ Taan icua i malaékat itu a yaku, “Tioo méma' taniitu! Yaku asaloke' ata, kaputému wo kaputé é poo-poowmu an esa paémanen, sé nabi wo pakasa in tou sé makiit sapa sé aipatico ang kitap anio'. Apoono mangé si Amang Kasuruan.”

Wahyu 22:9 ပူးပေါင်းရင်းမြစ်များ

Matius 4:9

Wo icuana a si Yesus, “Pakasa en itu iwééku oka ai Co, sa Ko kumundu en sumiri' yaku.”

Lukas 4:7

Pakasa en itu mamuali oka anu-Mu, sa Ko kumuru en sumiri' yaku.”

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Wahyu 1:1

An untep ing kitap anio' aipatic andumoro' sé kamamualian sé makala'us mamuali. Sé kamamualian itu aituru'o i Amang Kasuruan a si Yesus Kristus wosama' ro'na ituru' i Yesus a sé ata-Na. Kekawus in itu yutus i Yesus si malaékat-Na e maai a si ata-Na Yohanes en sumisil sé kamamualian itu.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 14:7

Si malaékat itu kumua in taangko', “Maindé'o mangé a si Amang Kasuruan, irayoo wo siriino mangé Sia! Ampa'paan an témponao Sia maai makim pakasa sé tou. Apoono mangé Sia si méma' in langit wo in tana', in ta'sic wo im pakasa em palemboian in dano!”

Wahyu 15:4

Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”

Wahyu 22:10

Wo icuana ka'i a yaku, “Tioo ségélen sé nunuwuun i Amang Kasuruan sé aipatic ang kitap anio', ampa'paan pakasa en itu ra'io uré ka'i mamuali.

Wahyu 22:18

Ta'néiku a sé tou sé iluminga i nunuwuun i Amang Kasuruan sé aipatic ang kitap anio': “Sa awéan tou e mawes esaanke' asi nunuwuun i Amang Kasuruan anio', awesan-Na oka ka'i sia ing kawangkuran-kawangkuran sé aipatic an untep ing kitap anio'.

Wahyu 22:7

Icua i Yesus, “En ulitna, ra'io uré ka'i Aku maai. Pakakama- ngen sé tou sé makiit i nunuwu-nunuwu' asi Amang Kasuruan owo sé an untep ing kitap anio'.”

Wahyu 4:10

sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Wahyu 9:20

Taan sé tou walina sé ra'ica imaté ing kawangkuran itu, ra'- ica kiim mape'dis mengéma-ngéma' sé léwo'. Séra ka'i ra'ica kiim mento' makuru en sumiri' a sé roh léwo' wo a sé patong-patong tanumai patong mas, pérak, tambaga, watu wo kayu sé ra'ica maséré, malinga, kuma'pa ka'i mawaya'.