Wahyu 22:7 - En Taar Weru a nunuwu' é Tontemboan

⁷ Icua i Yesus, “En ulitna, ra'io uré ka'i Aku maai. Pakakama- ngen sé tou sé makiit i nunuwu-nunuwu' asi Amang Kasuruan owo sé an untep ing kitap anio'.”

Wahyu 22:7 ပူးပေါင်းရင်းမြစ်များ

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 1:3

Pakakamangen sia si maca i nunuwuun i Amang Kasuruan anio' wo séra sé luminga wo mengaéma' sé aipatic an surat anio', ampa'paan pakasa en itu ra'io uré ka'i mamuali.

Wahyu 16:15

Icua i Casuruan “Séréno, Yaku maai oka tanu rombit. Pakakamangen sé tou sé tumu'tulo ing katouanna, sia itu puté wo sé tou en tumu'tulo ing karaina wosama' sia ra'ica malawi' kaséréan é tou sa sia metangkol.”

Wahyu 2:16

Ampa'paan in itu mape'diso mio'! Sa kamu ra'ica mape'dis, yaku makala'us oka maai ai camu wo perangen-Ku oka sé tou itu maké in sa'bel makakesot am ba'ba'-Ku.

Wahyu 22:12

Icua i Yesus ka'i, “En ulitna, ra'io uré ka'i Aku maai e maali in laasa-Ku en sumuli' a si esa wo si esa tou kiit im pinengaéma' éra.

Wahyu 22:18

Ta'néiku a sé tou sé iluminga i nunuwuun i Amang Kasuruan sé aipatic ang kitap anio': “Sa awéan tou e mawes esaanke' asi nunuwuun i Amang Kasuruan anio', awesan-Na oka ka'i sia ing kawangkuran-kawangkuran sé aipatic an untep ing kitap anio'.

Wahyu 22:19

Taniitu ka'i, sa awéan tou e mina' esaanke' asi nunuwuun si aipatic ang kitap anio', indon oka i Amang Kasuruan em bagéanna asi tuur ing katouan wo asi kota le'nas, tanu si aipatic an untep ing kitap anio'.”

Wahyu 22:20

Sia en icumua a yaku andumoro' im pakasa in anio', icua-Na, “Én, Yaku makala'us oka maai!” Ulit, mayoo, é Apo' Yesus!

Wahyu 22:21

En upus aitambér i Apo' Yesus mewali-wali wo icamu im baya! Ulit.

Wahyu 3:11

Ra'io uré ka'i Yaku maai! Téirano sumama-sama' sapa sé anu miow, wosama' ra'ica wana tou e rumombit i mahkota miow.

Wahyu 3:3

Pena'né-na'néieno mangé en sususuien si liningao wo tinerimao miow. Émaano mangé en sususuien itu wo mape'diso mangé! Sa kamu ra'ica matéi-téir, Yaku maai oka tanu si rombit. Ra'ica kailekan iow kawisa Aku maai.