Wahyu 22:4 - En Taar Weru a nunuwu' é Tontemboan

⁴ Wo sérén oka éra eng gio-Na, wo an tuintung éra patican oka i ngaran-Na.

Wahyu 22:4 ပူးပေါင်းရင်းမြစ်များ

Matius 5:8

Pakakamangen sé tou le'nas en aténa, ampa'paan séra suméré oka si Amang Kasuruan.

Yohanes 12:26

Si séike' en sumelewir Yaku musti kumiit Yaku. Wo am bisake' en angéan-Ku, am bitu ka'i awéan si maselewir Yaku. Si séi e maselewir Yaku sia siriin oka i Amang-Ku.”

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

1 Korintus 13:12

Intarépé', si Amang Kasuruan ra'ipé' katuusanta wutul, kaputé kita makaséré an cermin cumewuro, taan maai oka en témpona katuusanta oka Sia ang karapi im butul tanu kita menséréan en amo. Wo intarépé' andumoro' Sia ra'ipé' talos katuusanku, taan katuusanku oka Sia ang karapi i makakii-kiit, kaputé aku in esa wutul katuusan-Na.

Ibrani 12:14

Rumaméjio menonou meelu-eluran ang karapi é pakasa in tou, wo rumaméji ka'i menonou le'nas. Ampa'paan sa si tou ra'ica menonou le'nas, sia ra'ica suméré si Amang Kasuruan sa.

Wahyu 14:1

Kekawus ako in itu, kaséréanku si Toyaang i Domba makatulung an tolaina Sion wo awéan sangaatus epat ngapulu' epat ngariwu tou mewali-wali wo Sia. An tuintung é tou itu pinatican i ngaran i Toyaang i Domba wo ngaran i Amang-Na.

Wahyu 3:12

Si séi e muntung, émaan-Ku oka sia mamuali totombol am Balé Le'nas i Amang Kasuruan-Ku, wo sia mento' oka am bitu akar ing kauré-uré. Ipatic-Ku oka ka'i ai sia e ngaran i Amang Kasuruan-Ku, e ngaran ing kota i Amang Kasuruan-Ku Yerusalem weru. Wo eng kota itu itumpa oka mai i Amang Kasuruan an sorga owo. Wo ipatic-Ku oka ai sia e ngaran weru-Ku.

Wahyu 7:3

“Tioo léwoon eng katanaan, en ta'sic kuma'pa sé tuura ing kayu, sa ra'ipé' pinakaségél ami en tuintung é ata i Amang Kasuruan ami!”