Wahyu 22:3 - En Taar Weru a nunuwu' é Tontemboan

³ Wo pakasa sé an untep ing kota itu ra'io wana eng kutuken. Em palukutan pasiri-siriin i Amang Kasuruan wo palukutan pasiri-siriin i Toyaang i Domba awéan oka an untepna, wo sé ata-Na maapo' oka ai Sia.

Wahyu 22:3 ပူးပေါင်းရင်းမြစ်များ

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Yohanes 12:26

Si séike' en sumelewir Yaku musti kumiit Yaku. Wo am bisake' en angéan-Ku, am bitu ka'i awéan si maselewir Yaku. Si séi e maselewir Yaku sia siriin oka i Amang-Ku.”

Yohanes 13:32

Wo sa si Amang Kasuruan parayo-rayo wo pasiri-siriin ampa'paano Yaku, émaan-Na oka Aku parayo-rayo wo pasiri-siriin, wo en itu makala'us émaan-Na.”

Yohanes 14:3

Sa Aku mangém am bitu wo en tampa miow tinu'tul-Kuo, Yaku maai oka sumawel wo makawali icamu maangé an tampa-Ku, wosama' am bisa Aku am bitu ka'i kamu.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Wahyu 7:10

Ang karapi in taangko' icua éra, “Eng kalowiran itu asi Amang Kasuruan ami owo si makalukut am palukutan pasiri-siriin wo asi Toyaang i Domba.”

Wahyu 7:9

Kekawus in itu, sérénku ka'i sangareru' tou sé ra'io karékénan eng kakelina. Séra itu asé im pakasa im bangsa, in suku, i negara, wo i nunuwu'. Séra makatulung an dior im palukutan pasiri-siriin wo an dior i Toyaang i Domba itu. Séra mekarai ing kulo' wo eng kama éra makatimboi in lala-lalaina im palem.