Wahyu 22:16 - En Taar Weru a nunuwu' é Tontemboan

¹⁶ Icua ka'i i Yesus, “Yaku, si Yesus imutuso si malaékat-Ku e méé ing kasairian andumoro' pakasa im perkara anio' ai camu torona é jamaat. Yakuo en sééna, si taranak i Daud, si lolouren si sumendo-sendot.”

Wahyu 22:16 ပူးပေါင်းရင်းမြစ်များ

Matius 1:1

Si anioo en daftar é apo-apo' i Yesus Kristus taranak i Daud wo taranak i Abraham.

Matius 2:2

Séra memué-muéi, “Am bisa Sia, si colano é tou Yahudi si makatoué' itu? Sinéréo ami si sumesendot-Na a micona wo kami mai eng kumundu en sumiri' Sia.”

Matius 22:42

“Sapa eng kailekan iow andumoro' i Kristus? Sia taranak i séi?” Wo isowat éra ai Sia, “Sia itu taranak i Daud.”

Matius 22:45

Anaé, sa si Daud mengatuul si Kristus itu Tuangna, tambisa réén wo icuata Sia itu taranakna ka'i?”

Lukas 1:78

Si Amang Kasuruanta itu lumoo-loor wo taupus. Sia mai lumowir icita tanuoka sendot i yéndo i mamoondo,

Lukas 20:44

Anaé, sa si Daud in esa mengatuul si Kristus itu Tuangna, tambisa réén wo icuata Sia itu taranakna ka'i?”

Roma 15:12

Wo ka'i si nabi Yesaya kumua in tana'i, “Maai oka si esa tou asi taranak i Isai owo. Wo Sia maai oka e merénta a sé pakasa in tou ra'ica Yahudi. Wo ai Siao pakasa sé tou méé oka im paarapen.”

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!

2 Petrus 1:19

Sapa en sinéré wo lininga ami itu, iméma'o icami makaawes mercaya in abar ang Kitap Le'nas andumoro' i Kristus sé ipakuao é nabi indior. En abar é nabi itu tanuoka in sosoloan masendot ang kariréimbengan. En sosoloan itu masendot akar mai en sendot in endo imamoondo wo en sendot i Kristus matélang an untep in até miow, tanuoka si lolouren imaali mai sendot ang kayo'baan. Sa en abar itu uli-ulit pawéan iow rékén, icamu iméma'o im butul.

Wahyu 1:1

An untep ing kitap anio' aipatic andumoro' sé kamamualian sé makala'us mamuali. Sé kamamualian itu aituru'o i Amang Kasuruan a si Yesus Kristus wosama' ro'na ituru' i Yesus a sé ata-Na. Kekawus in itu yutus i Yesus si malaékat-Na e maai a si ata-Na Yohanes en sumisil sé kamamualian itu.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 1:4

Siri' i Yohanes a sé pitu jamaat an Asia Teké'. Pekiupusenku a si Amang Kasuruan wo a sé pitu roh an dior im palukutan pasiri-siriin-Na en tumambérai in upus wo ing kaeluran ai camu. Si Amang Kasuruan itu awéano indior, intarépé', wo si maai oka sa.

Wahyu 2:11

Si séike' si makalunteng, aweso taré linganna sapa sé aicua i Roh a sé jamaat. Si séi si muntung ra'ica kawisa mawendu in sapa-sapa ampa'paano im papaté karua.”

Wahyu 2:17

Si séi si makalunteng, aweso taré sia luminga sapa en aicua i Roh a sé jamaat: Si séi si muntung, sia wéan-Ku oka kakanen manna si pakaenepé', wo wéan-Ku oka ka'i sia watu kulo' si pinatican i ngaran weru. E ngaran weru itu ra'ica wana e makailek, wayake' si tumerima.”

Wahyu 2:7

Si séi si makalunteng, lébé loor sia luminga sapa en aicua i Roh a sé jamaat. Si séi si muntung wéan-Ku oka sia kaloasan eng kuman im bua'na in tuura ing katouan si an untep in Taman Firdaus i Amang Kasuruan.”

Wahyu 22:1

Wo ituru' ka'i i malaékat a yaku en doyongan in dano ing katouan, en danona léno kaputé ing kristal. Wo en doyongan itu makesotai asi palukutan pasiri-siriin i Amang Kasuruan wo asi palukutan pasiri-siriin i Toyaang i Domba,

Wahyu 22:11

Si séi si maéma' in léwo', iwayao mio' sia mengéma-ngéma' in léwo'. Si séi si maéma i najis, iwayao mio' sia mengéma-ngéma' i najis. Si séi si mengéma' im butul, iwayao mio' sia mengéma-ngéma' im butul. Si séi si le'nas, iwayao mio' sia menonou angé le'nas.”

Wahyu 22:20

Sia en icumua a yaku andumoro' im pakasa in anio', icua-Na, “Én, Yaku makala'us oka maai!” Ulit, mayoo, é Apo' Yesus!

Wahyu 22:6

Kekawus in itu, si malaékat itu kumua a yaku, “Sé aicuaku anio' ro'na percayan wo wutul. Wo si Amang Kasuruan si mééo i Roh-Na a sé nabi, ayutus-Nao si malaékat en tumuru' a sé ata-Na sapa sé ra'io uré mamuali sa.”

Wahyu 3:13

Si séi si makalunteng, aweso taré linganna sapa en aicua i Roh a sé jamaat.”

Wahyu 3:22

Si séi si makalunteng, aweso taré sia lumi- nga sapa en aicua i Roh a sé jamaat.”

Wahyu 3:6

Si séi si makalunteng, aweso taré linganna sapa en aicua i Roh a sé jamaat.”

Wahyu 5:5

Wo esaan asé rua ngapulu' epat matu'a kumua a yaku, “Tioo ko maamé'! Séréno! Awéan Singa asé suku i Yehuda owo, Siao si taranak i Daud. Sia muntungo akar Sia ro'na muka' sé pitu ségélna wo ing gulungan kitap itu.”