Wahyu 22:12 - En Taar Weru a nunuwu' é Tontemboan

¹² Icua i Yesus ka'i, “En ulitna, ra'io uré ka'i Aku maai e maali in laasa-Ku en sumuli' a si esa wo si esa tou kiit im pinengaéma' éra.

Wahyu 22:12 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Roma 14:12

Anaé, kita si esa wo si esa musti méé panowaten a si Amang Kasuruan andumoro' im pakasa sé niéma'tao.

1 Korintus 3:14

Sa en tinawoi i esa tou makatang tunun in api, sia makéré oka laasa.

1 Korintus 3:8

Si tou musew wo si numaam, em paawo- awon éra meputé. Séra wéan oka i Amang Kasuruan laasa kumiit in tinawoi éra esa wo si esa.

Wahyu 11:18

Wo pakasa im bangsa mae'bowo, taan an témponao Ko tumuru' in e'bow-Mu wo makim sé tou imatéo. Si anioo en témpona e méé in laasa a sé ata-Mu, sérao sé nabi, wo pakasa sé tou le'nas, wo sé tou sé maindé' i ngaran-Mu, sé tou sé ra'ica pengasiriin kuma'pa sé tou pengasiriin. Si anioo en témpona ka'i e maté sé tou en luméwo' ing kayo'baan.”

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.

Wahyu 20:12

Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.

Wahyu 22:20

Sia en icumua a yaku andumoro' im pakasa in anio', icua-Na, “Én, Yaku makala'us oka maai!” Ulit, mayoo, é Apo' Yesus!

Wahyu 22:7

Icua i Yesus, “En ulitna, ra'io uré ka'i Aku maai. Pakakama- ngen sé tou sé makiit i nunuwu-nunuwu' asi Amang Kasuruan owo sé an untep ing kitap anio'.”

Wahyu 3:11

Ra'io uré ka'i Yaku maai! Téirano sumama-sama' sapa sé anu miow, wosama' ra'ica wana tou e rumombit i mahkota miow.