Wahyu 21:8 - En Taar Weru a nunuwu' é Tontemboan

⁸ Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”

Wahyu 21:8 ပူးပေါင်းရင်းမြစ်များ

Matius 10:28

Tioo kamu maindé' a sé tou sé asalo makawoo maté in owak iow taan ra'ica wana kawasa e maté i mu'kur iow. Taan maindé'o mangé a si Amang Kasuruan si makakawasa e maté in owak wo i mu'kur iow a naraka.

Matius 25:25

En caindé'ku oréoka en doit i tuang icatala, anaé en doit itu ayenepku an untep in tana'. Nio', indono sumawel en doit i tuang.’

Matius 8:26

Icua-Na ai séra, “Kéitu réén kamu maindé', éi camu sé ra'ipé' talos maéman?” Wo si Yesus tumulung wo peréntan-Na en deges wo en lour itu, akar en lour wutu-wutul malener.

Markus 9:44

An tampa itu, sé uler ra'ica maté wo en api ra'ica kape'delan.]

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

2 Tesalonika 2:9

Wo si tou luméwo-léwo' itu mapaturu' mai maké ing kawasa i kikiiten é sétang wo sia muwak sé tou ang karapi in tumuru' in tuu-tuus kakaya'kaan sé kalinteren wo kala'meren oka mai.

1 Timotius 4:2

Sé tou mengasusui in sususuien mengasélé'kow itu, séra itu punek wo kotowo. En até weresi éra itu imariréimbengo.

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

Ibrani 12:24

Wo kamu mai meta'up ka'i wo si Yesus, si maali mai im perjanjian weru i Amang Kasuruan a sé tou. Wo mai ka'i asi enda' im perjanjian weru si makatiti-titis e méé ing kaampungan ing kamesé-meséaan a sé tou. Sa taniitu en enda' i Yesus en lébé awéan wééna wo in enda' i Habel, ampa'paan en enda' i Habel si makatiti-titis asaloke' in sumuli' im pinanganat i Kain.

Ibrani 13:4

Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.

1 Yohanes 2:22

Si séi réén si kotowo itu? Tantu si tou mengasangkal si Yesus itu Kristus. Siao si kaséké' i Kristus wo mengasangkal si Amang wo ka'i si Toyaang.

1 Yohanes 3:15

Si séi e masuut si poowna, sia itu mapaté tou. Wo kailekan iow ra'- ica wana sé mapaté tou makaanu ing katouan akar ing kauré-uré.

1 Yohanes 5:10

Si séi si maéman a si Toyaang i Amang Kasuruan, sia itumerimao ing kasairian itu an aténa. Taan si séi e ra'ica maéman a si Amang Kasuruan, sia iméma'o si Amang Kasuruan kotowo ampa'paan sia ra'ica maéman ing kasairian i Amang Kasuruan andumoro' si Toyaang-Na itu.

Wahyu 14:10

elepenna oka en anggor i Amang Kasuruan, siituo en anggor kae'bowan-Na si aituas an untep in paelepan kae'bowan-Na. Wo sia okoien oka in api wo im balélang an dior é malaékat le'nas wo an dior i Toyaang i Domba.

Wahyu 19:20

Wo si binatang itu mewali-wali wo si nabi ra'ica wutul tinangka'o. Si nabi ra'ica wutul ituo si sumangkumo méma' in tuu-tuus kakaya'kaan an dior i binatang itu, akar sia sumélé'kow sé tou sé itumerimao in tuus i binatang itu wo si kumuru en sumiri' im patongna. Wo si binatang itu mewali-wali wo si nabi ra'ica wutul itu imenonoué' aiténdélo an ta'sic api walélang wangker si mengembu-ngembung.

Wahyu 2:11

Si séike' si makalunteng, aweso taré linganna sapa sé aicua i Roh a sé jamaat. Si séi si muntung ra'ica kawisa mawendu in sapa-sapa ampa'paano im papaté karua.”

Wahyu 2:2

Kailekan-Ku sapa sé niéma' miow, kamu tumawoio mai in uter ang kerapi ing kale'tekan. Kailekan-Ku ka'i kamu ra'ica talesen makaséré sé tou léwo'. Tini'tiro miow sé tou sé makua sapaoka séra ruru'du'an, taan en ulitna ra'ica tanu siitu, wo kinailekano miow séra itu kotowo.

Wahyu 21:27

Taan sapake' mangé sé najis kuma'pa sé tou mengaéma' sé karican oka mai kuma'pa kotowo ra'ica toro muntep asi kota itu. Sé ro'na muntep asi kota itu, wayake' sé tou e ngaran éra aipatico an untep ing kitap katouan i Toyaang i Domba itu.

Wahyu 22:15

Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.

Wahyu 9:17

Wo tana'io eng kinaséréanku am pinapaturu'an itu. Sé kawayo wo sé tou makasaké asé kawayo itu e modél éra tana'i, sé tou itu mepaké ing karai bési i pari'dir makakliur réindang tanu api, dongker tanu im batu permata, wo kuni' tanu im balélang. Wo en do'kos é kawayo tanu in do'kos é singa, wo am ba'ba' é kawayo makesotai en api, tembur wo walélang.

Wahyu 9:21

Séra ka'i ra'ica kiim mape'dis mengéma-ngéma' sé léwo' walina tanumai mapaté tou, mariara, mabersina wo marombit.