Wahyu 21:5 - En Taar Weru a nunuwu' é Tontemboan

⁵ Wo Sia si makalukut am palukutan pasiri-siriin itu kumua, “Séréno, Yaku ang karoro'an imaéma' im baya-waya maweru!” Wo icua-Na ka'i, “Ipatico mio' waya en itu, ampa'paan sé nunuwuun anio' ro'na percayan wo wutul.”

Wahyu 21:5 ပူးပေါင်းရင်းမြစ်များ

Lukas 5:38

Anaé, en anggor weru musti ipumpun asi papumpunan in anggor weru.

2 Korintus 5:17

Anaé, si séike' si maesao wo si Kristus, sia wutu-wutul mamualio tou weru. Em peri ing katouan uré ra'io wana ka'i. Pakasa eng katouanna imaweruo waya.

Ibrani 12:27

Si nunuwu' “makasapé'” eng kaangéanna pakasa sé niéma'-Na asi cayo'baan anio' ipangéro' oka wo materi, wosama' sapa sé ra'ica toro ipaéro' siituo sé matela'u.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 1:19

Ampa'paan in ituo patico mio' sé sinérémuo, andumoro' sé mamuali intarépé' wo sé mamuali oka sa.

Wahyu 19:9

Wo icua i malaékat a yaku, “Ipatico mio' in tana'i: ‘Pakakamangen sé tou nienot am pésta kawéng i Toyaang i Domba.’ ” Wo icua ka'i i malaékat itu a yaku, “Si aicuaku anio' wutul, e nunuwuun anio' nunuwuun i Amang Kasuruan.”

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.

Wahyu 22:19

Taniitu ka'i, sa awéan tou e mina' esaanke' asi nunuwuun si aipatic ang kitap anio', indon oka i Amang Kasuruan em bagéanna asi tuur ing katouan wo asi kota le'nas, tanu si aipatic an untep ing kitap anio'.”

Wahyu 22:6

Kekawus in itu, si malaékat itu kumua a yaku, “Sé aicuaku anio' ro'na percayan wo wutul. Wo si Amang Kasuruan si mééo i Roh-Na a sé nabi, ayutus-Nao si malaékat en tumuru' a sé ata-Na sapa sé ra'io uré mamuali sa.”

Wahyu 4:2

Tutuw ituke' e Roh i Amang Kasuruan kumawasa Yaku, wo kaséréanku an sorga esa palukutan pasiri-siriin, wo awéan esa Tou makalukut am palukutan pasiri-siriin itu.

Wahyu 4:9

Wo susur é epat mahluk itu kumantar ing kakantaren rarayoan, siri' wo méé makapulu'sama' ai Sia si makalukut asi palukutan pasiri-siriin wo si menonou akar ing kauré-uré itu,

Wahyu 5:1

Kekawus in itu sérénku esa gulungan kitap si ang kama kakan-Na si makalukut am bawo im palukutan pasiri-siriin itu. Eng gulungan ing kitap itu pinatican waya an untep wo ang kesot, wo sinégél im pitu ségél.