Wahyu 21:4 - En Taar Weru a nunuwu' é Tontemboan

⁴ Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”

Wahyu 21:4 ပူးပေါင်းရင်းမြစ်များ

Matius 24:35

En langit wo eng kayo'baan maka'pu oka taan e nunuwu'-Ku ra'ica maka'pu akar ing kauré-uré.”

1 Korintus 15:26

Si kaséké' en sosomoi kalan i Kristus, siituo em papaté.

1 Korintus 7:31

Sé tou asalo menguru-ngurus ing katouan éra asi cayo'baan anio', séra ra'ica toro kuma'pu in témpo e memero-merotke' andumoro' sé itu. Ampa'paan eng kayo'baan pakaento'anta anio' ra'io uré ka'i imaka'pu.

2 Korintus 5:17

Anaé, si séike' si maesao wo si Kristus, sia wutu-wutul mamualio tou weru. Em peri ing katouan uré ra'io wana ka'i. Pakasa eng katouanna imaweruo waya.

2 Korintus 6:17

Ampa'paan in ituo si Amang Kasuruan ka'i icumua, “Tela'uo mio' sé tou ra'ica makatuus si Amang Kasuruan, wo ipataya-tayango mangé en owakmu ai séra. Ra'ica toro misu' in sapake' sé karican keli, wo kamu teriman-Ku oka.

Ibrani 12:27

Si nunuwu' “makasapé'” eng kaangéanna pakasa sé niéma'-Na asi cayo'baan anio' ipangéro' oka wo materi, wosama' sapa sé ra'ica toro ipaéro' siituo sé matela'u.

2 Petrus 3:10

Taan kawisa si Apo' Yesus maai sumawel ra'ica wana e makailek ampa'paan Sia maai tanuoka rombit. Wo asi endo itu en langit icatala oka parapiten in erut taténgé keli wo pakasa sé an langit makatunu-tunu oka, taniitu ka'i eng kayo'baan wo pakasa sé an untepna makaka'pu-ka'pu oka.

1 Yohanes 2:17

Eng kayo'baan anio' wo pakasa eng kasalé'an in tou ang karoro'an icatala. Taan en tou sé mengaéma' ing kasalé'an i Amang Kasuruan, tatap menonou akar ing kauré-uré.

Wahyu 20:13

Wo isarakan in ta'sic sé tou imaté an untepna, wo isarakan ka'i im papaté wo eng kakolanoan im papaté sé tou imaté an untepna. Wo séra si esa wo si esa akimen kiit sé pinengaéma' éra.

Wahyu 20:14

Kekawus in itu, em papaté wo eng kakolanoan im papaté iténdél an untep in ta'sic api. En ta'sic api ituo en tampa ukuman si patuulen papaté karua.

Wahyu 21:1

Wo kaséréanku en langit wo eng kayo'baan weru, ampa'paan en langit wo eng kayo'baan kataré aicatalao wo en ta'sic ra'io wana ka'i.

Wahyu 22:3

Wo pakasa sé an untep ing kota itu ra'io wana eng kutuken. Em palukutan pasiri-siriin i Amang Kasuruan wo palukutan pasiri-siriin i Toyaang i Domba awéan oka an untepna, wo sé ata-Na maapo' oka ai Sia.

Wahyu 7:17

Ampa'paan si Toyaang i Domba si an uner im palukutan pasiri-siriin itu mamuali oka gembala éra, wo akinen-Na séra mangé asi palemboian in dano si mengawéé ing katouan. Wo pisin oka i Amang Kasuruan pakasa en dano im beren éra.”