Wahyu 21:3 - En Taar Weru a nunuwu' é Tontemboan

³ Wo kalingaanku en suara taangko' keli am palukutan pasiri-siriin itu makua, “Séréno! Intarépé' em paento'an i Amang Kasuruan an unero é tou. Sia mai oka mento' mewali-wali wo iséra, wo séra mamuali oka tou-Na. Sia in esa mewali-wali oka wo iséra, wo mamuali Amang Kasuruan éra.

Wahyu 21:3 ပူးပေါင်းရင်းမြစ်များ

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

2 Korintus 6:16

Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

2 Korintus 6:18

Wo Aku mamuali oka Amangmu, wo kamu mamuali oka toya-toyaang-Ku, taniituo en aicua i Amang Kasuruan si Makakawasa.”

1 Tesalonika 3:11

Kami maarap si Amang Kasuruan Amangta wo si Yesus Kristus si Apo'ta e méé mai lalan wosama' kami ro'na meta'up sumawel wo icamu.

Ibrani 11:16

Taan intarépé' séra lumelo si esa roong en lébé loorai, siituo si roong an sorga. Ampa'paano in itu si Amang Kasuruan ra'ica malawi' im patuulen Amang Kasuruan éra, ampa'paan aitu'tulo i Amang Kasuruan ai séra esa kota.

Ibrani 8:10

Taan intarépé', si anioo em perjanjian si émaan-Ku oka ang karapi é tou Israel, asé endo mengangai sa. Iweta'-Ku oka en ukum-ukum-Ku a ngaas éra, wo ipatic-Ku oka en itu an untep in até éra. Yaku mamuali oka Amang Kasuruan éra, wo séra mamuali oka tou-Ku.

Ibrani 8:2

Sia maéma' in tawoien-Na tanu Imam Wangko' asi tampa le'nas, siituo si ténda aseli si winangun i Amang Kasuruan in esa ra'ica winangun é tou.

Wahyu 10:4

Makanuwu' mai sé pitu erut itu, casalé'ku woo e matic sapa sé pinali- ngaku. Taan kalingaanku en suara an sorga icumua in tana'i, “Ségélen owo sapa en aicua é pitu erut itu wo ra'ipé' toro ipaticmu.”

Wahyu 10:8

Wo en suara si liningakuo an langit itu icumua ka'i a yaku, “Mangéo indon eng gulungan kitap si makawuka' ang kama i malaékat si makatulung am bawo in ta'sic wo am bawo ing katanaan itu.”

Wahyu 12:10

Wo kalingaanku en suara taangko' keli an sorga owo makua in tana'i, “Intarépé' imayo eng kalowiran asi Amang Kasuruan wo Sia tumuru' ing kawasa-Na wo merénta tanu Kolanota. Wo ka'i en témpona i Kristus si sinisir-Na tumuru' ing kakawasaan-Na. Ampa'paan si kikiiten é sétang aiténdélo ang kayo'baan, sia itu si menudu-nudu sé poo-poowta an esa paémanen endo wo em bengi an dior i Amang Kasuruan.

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.

Wahyu 22:3

Wo pakasa sé an untep ing kota itu ra'io wana eng kutuken. Em palukutan pasiri-siriin i Amang Kasuruan wo palukutan pasiri-siriin i Toyaang i Domba awéan oka an untepna, wo sé ata-Na maapo' oka ai Sia.

Wahyu 7:15

Ampa'paan in ituo, séra makatulung an dior im palukutan pasiri-siriin i Amang Kasuruan wo sumelewir Sia endo wo em bengi an untep im Balé Le'nas. Wo Sia si makalukut asi palukutan pasiri-siriin itu mewali-wali oka ang karapi éra en lumoindong iséra.