Wahyu 21:15 - En Taar Weru a nunuwu' é Tontemboan

¹⁵ Si malaékat i numuwu' a yaku, sia awéan esa weka' mas pengaukur. Pakénna em beka' itu e mukur ing kota, im papalen-papalen wangker ang karapi i ri'dir mésel.

Wahyu 21:15 ပူးပေါင်းရင်းမြစ်များ

Wahyu 21:12

Wo eng kota itu lini'cir i ri'dir mésel rangka' wo kura'ber, wo awéan sangapulu' rua papalen wangker. Susur im papalen itu awéan esa malaékat. Am bawo im papalen-papalen itu, pinatican i ngara-ngaran é sangapulu' rua suku Israel.

Wahyu 21:16

Eng kota itu epat e ruuna, eng kalambotna wo eng kawelarna puté. Wo ukurenna eng kota itu maké im beka' mas, eng kalambotna rua ngariwu epat ngaatus kilometer, taniitu ka'i eng kawelar wo eng karangka'na.

Wahyu 21:21

Sé sangapulu' rua papalen wangker asi kota itu niéma' asé sangapulu' rua mutiara owo, anaé esa papalen niéma' asi esa mutiara owo. Wo pakasa en lalan asi kota itu niéma' a mas tulén masélap meputé ing kaweresina ing kaca.

Wahyu 21:25

wo em papalen-papalen wangker ing kota itu ra'io ka'i patutu-tutuwen, ampa'paan endo wo em bengi ra'io wana ka'i a mangé mbitu.