Wahyu 21:1 - En Taar Weru a nunuwu' é Tontemboan

¹ Wo kaséréanku en langit wo eng kayo'baan weru, ampa'paan en langit wo eng kayo'baan kataré aicatalao wo en ta'sic ra'io wana ka'i.

Wahyu 21:1 ပူးပေါင်းရင်းမြစ်များ

Roma 8:21

sapaoka an témpona sa, pakasa sé niéma' i Amang Kasuruan ang kayo'baan anio' iwekar-Na oka ang kakawasaan si mengapaté, wo kumiit makéré ing kabébasan wo iparayo-rayo wo pasiri-siriin mewali-wali wo sé toyaang-Na.

2 Petrus 3:10

Taan kawisa si Apo' Yesus maai sumawel ra'ica wana e makailek ampa'paan Sia maai tanuoka rombit. Wo asi endo itu en langit icatala oka parapiten in erut taténgé keli wo pakasa sé an langit makatunu-tunu oka, taniitu ka'i eng kayo'baan wo pakasa sé an untepna makaka'pu-ka'pu oka.

2 Petrus 3:13

Taan entoonta en langit weru wo eng kayo'baan weru si aijanji i Amang Kasuruan ai cita. A mangé mbitu, wayake' sé tou maéma' in sususuien wutul i Amang Kasuruan.

Wahyu 13:1

Wo sérénku awéan esa binatang icumesotai an untep in ta'sic owo, sia makaro'kos pitu wo makasungé sangapulu'. An tempok é sungé itu awéan sangapulu' mahkota. Wo an do'kos i binatang itu pinatican i ngara-ngaran é maojat si Amang Kasuruan.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.

Wahyu 21:5

Wo Sia si makalukut am palukutan pasiri-siriin itu kumua, “Séréno, Yaku ang karoro'an imaéma' im baya-waya maweru!” Wo icua-Na ka'i, “Ipatico mio' waya en itu, ampa'paan sé nunuwuun anio' ro'na percayan wo wutul.”

Wahyu 6:14

Wo en langit makala'us icatala tanuoka ing gulungan kitap si ginulung, eng kuntu-kuntung wo em pulo-pulou icaéra an tampana.