Wahyu 20:5 - En Taar Weru a nunuwu' é Tontemboan

⁵ Si anioo eng kataré-taré sé tou imaté tinou sumawel, taan sé tou imaté walina ra'ipé' touen sumawel sa ra'ipé' imalekep eng kauréna in sangariwu ngata'un.

Wahyu 20:5 ပူးပေါင်းရင်းမြစ်များ

Lukas 14:14

Pakakamangen oka ko, ampa'paan séra ra'ica wana sapa-sapa en suli' ing kalooranmu. Suliin oka i Amang Kasuruan eng kalooranmu itu an tutuw touen-Na sumawel sé tou wutu-wutul maéman wo le'tek ai Sia.”

Roma 11:15

An tutuw éra aicélong i Amang Kasuruan, eng kasiwakana sé tou walina ang kayo'baan anio' makéré témpo meeluran sumawel wo Sia. Anaé, an tutuw é tou Israel tinerima-Nao, en itu esa kakaya'kaan wangko' tanuoka sé tou imatéo tumou sumawel.

Filipi 3:11

wosama' ang kasiwakana aku ro'na touen sumawel an uner é tou imatéo.

1 Tesalonika 4:16

Sa Sia maayo, awéan oka esa perénta an sorga kumua in taangko', si Kikiiten é malaékat mangko' repet wo en terompét i Amang Kasuruan tuméngé. Asi témpo ituo si Apo' Yesus tumumpa mai a mangé en sorga owo, wo sé tou maéman ai Sia sé matéo, séra en dior touen sumawel.

Wahyu 11:11

Taan kumawusai in tiga ari sténga, sé rua nabi itu winéano i Amang Kasuruan aseng ing katouan wo séra tumou sumawel. Wo pakasa sé tou sé suméré séra maindé' keli.

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”