Wahyu 20:13 - En Taar Weru a nunuwu' é Tontemboan

¹³ Wo isarakan in ta'sic sé tou imaté an untepna, wo isarakan ka'i im papaté wo eng kakolanoan im papaté sé tou imaté an untepna. Wo séra si esa wo si esa akimen kiit sé pinengaéma' éra.

Wahyu 20:13 ပူးပေါင်းရင်းမြစ်များ

Matius 11:23

Wo kamu sé tou ang Kapernaum, weroten iow réén sapaoka kamu angkaien oka akar an sorga? Ra'ica! Taan taré, itiya'-Na oka kamu a naraka! Sa eng kakaya'kaan si imamualio an uner iow itu niéma'-Ku an Sodom, tantu eng kota itu awéané' akar intarépé'.

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

1 Korintus 15:26

Si kaséké' en sosomoi kalan i Kristus, siituo em papaté.

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.

Wahyu 20:12

Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.

Wahyu 20:14

Kekawus in itu, em papaté wo eng kakolanoan im papaté iténdél an untep in ta'sic api. En ta'sic api ituo en tampa ukuman si patuulen papaté karua.

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”

Wahyu 6:8

Wo kaséréanku esa kawayo kulo tina'. Wo si tou makasaké asi cawayo itu, e ngaranna ‘Papaté’, wo pakiiten ing kakolanoan im papaté. Séra in dua winéan kawasa e maté sé sangapeepat tou ang kayo'baan anio' ang karapi in sa'bel, ang karapi ing kaareman, ang karapi in sakit malawé, wo ang karapi é binatang léwo' sé ang kayo'baan.