Wahyu 20:12 - En Taar Weru a nunuwu' é Tontemboan

¹² Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.

Wahyu 20:12 ပူးပေါင်းရင်းမြစ်များ

Matius 11:22

Taan icua-Ku mangé ai camu, a si endo kaka'puan ing kayo'baan, en ukuman iow lébé uter wo in ukuman é tou ang kota Tirus wo en Sidon.

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Lukas 10:20

Mandé in taniitu, kamu tioo masalé-salé' ampa'paan kinalao miow sé sétang, aweso taré kamu maaru-aruio ampa'paan e ngaran iow aipatico an sorga.”

Kisah Para Rasul 24:15

Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul.

Roma 2:6

Suliin-Na oka sé tou, iciit im pinengaéma' éra si esa wo si esa.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

Wahyu 11:18

Wo pakasa im bangsa mae'bowo, taan an témponao Ko tumuru' in e'bow-Mu wo makim sé tou imatéo. Si anioo en témpona e méé in laasa a sé ata-Mu, sérao sé nabi, wo pakasa sé tou le'nas, wo sé tou sé maindé' i ngaran-Mu, sé tou sé ra'ica pengasiriin kuma'pa sé tou pengasiriin. Si anioo en témpona ka'i e maté sé tou en luméwo' ing kayo'baan.”

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Wahyu 17:8

Si binatang si sinérému itu, indior awéan taan intarépé' ra'io wana. Wo sia mapaturu' oka ang kepal im papaté wo sia maangém am papaté. Sé tou i menonou ang kayo'baan e ngaran éra ra'ica aipatic an untep ing kitap ing katouan tumo'tolai eng kayo'baan anio' niéma', séra mangaya-ngaya'ka' oka an tutuw suméré si binatang itu, ampa'paan si binatang itu indior awéan taan intarépé' ra'io wana, taan mapaturu' oka sumawel.

Wahyu 19:5

Wo kalingaan awéan suara asi palukutan pasiri-siriin owo icumua in tana'i, “Irayoo mangé si Amang Kasuruanta, éi icamu im baya sé ata-Na si maindé' ai Sia, icamu sé tou ra'ica pengasiriin kuma'pa sé tou pengasiriin.”

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.

Wahyu 20:13

Wo isarakan in ta'sic sé tou imaté an untepna, wo isarakan ka'i im papaté wo eng kakolanoan im papaté sé tou imaté an untepna. Wo séra si esa wo si esa akimen kiit sé pinengaéma' éra.

Wahyu 20:15

Wo pakasa sé tou e ngaran éra ra'ica aipatic an untep ing kitap katouan itu, iténdél an untep in ta'sic api itu.

Wahyu 21:27

Taan sapake' mangé sé najis kuma'pa sé tou mengaéma' sé karican oka mai kuma'pa kotowo ra'ica toro muntep asi kota itu. Sé ro'na muntep asi kota itu, wayake' sé tou e ngaran éra aipatico an untep ing kitap katouan i Toyaang i Domba itu.

Wahyu 22:12

Icua i Yesus ka'i, “En ulitna, ra'io uré ka'i Aku maai e maali in laasa-Ku en sumuli' a si esa wo si esa tou kiit im pinengaéma' éra.

Wahyu 3:5

Si séi e muntung sia pakéan ing karai tanu siitu. Wo e ngaran i tou itu ra'ica pisin-Ku ang kitap ing katouan, taan pangakun-Ku oka e ngaranna an dior i Amang-Ku wo an dior é malaékat-Na.