Wahyu 2:7 - En Taar Weru a nunuwu' é Tontemboan

⁷ Si séi si makalunteng, lébé loor sia luminga sapa en aicua i Roh a sé jamaat. Si séi si muntung wéan-Ku oka sia kaloasan eng kuman im bua'na in tuura ing katouan si an untep in Taman Firdaus i Amang Kasuruan.”

Wahyu 2:7 ပူးပေါင်းရင်းမြစ်များ

Matius 11:15

Si séi si makalunteng, aweso taré sia luminga sumama-sama'!

Matius 13:43

Asi témpo itu sé tou wutul sumendot oka tanu si yéndo ang Kakolanoan i Amang éra. Si séi e makalunteng, lumingao sumama-sama'.”

Matius 13:9

Si séi si makalunteng, aweso taré sia luminga sumama-sama'!”

Markus 4:9

Icua ka'i i Yesus, “Si séi e makalunteng, aweso taré sia lumingao sumama-sama'.”

Markus 7:15

Sapa sé ang kesot owo si imuntep an owak i esa tou, en itu ra'- ica iméma' si tou itu manajis, taan sapa si cumesot an owak i tou itu, siituo e méma' sia manajis.” [

Markus 7:16

Si séike' en awéan lunteng en luminga, aweso taré sia luminga!]

Lukas 23:43

Icua i Yesus ai sia, “En ulitna icua-Ku ai co, asi endo anio'ke', ico mewali-wali oka wo Yaku an sorga.”

Lukas 8:8

Taan awéan en lulumbo walina sé irumongkor an tana' kemel, sé lulumbo itu tumou wo mua' akar sangaatus lumepet.” Kekawus i Yesus masisil in andéan itu wo icua-Na ka'i, “Si séi e makalunteng, aweso taré sia lumingao sumama-sama'!”

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

1 Korintus 2:10

Taan intarépé' si Amang Kasuruan imaké i Roh-Na en tumi'tir waya in itu ai cita. Aicuao i Roh-Na ai cita ampa'paan e Roh-Na makailek im baya-waya, akar sé icaenep an owak i Amang Kasuruan.

2 Korintus 12:4

Si tou itu tumarépé'anke'mai icaangkai angé an Firdaus wo iluminga inunuwu sé ra'io icakua, wo ra'ica kasisilan é tou.

1 Yohanes 2:13

Aipaticku ka'i ai camu, éi amang-amang, ampa'paan kinatuusano miow Sia si awéano asi kataré-taré an tutuw ra'ipé' niéma' eng kayo'baan. Aipaticku ka'i ai camu, éi tou wo'bas, ampa'paan kinalao miow si léwo'.

Wahyu 13:9

Si séi si makalunteng, aweso taré sia luminga in abar anio',

Wahyu 14:13

Wo kalingaanku en suara an sorga icumua, “Ipatico en anio': Tumo'tol intarépé' pakakamangen sé tou sé le'tek makiit si Apo' Yesus akar imaté.” Wo e Roh i Amang Kasuruan in esa en cumua in tana'i, “Ulit, séra ro'na mena' asi pinala'lé-la'léan éra wo teriman éra oka en laasa asé im pakasa sé pinengaéma éra.”

Wahyu 15:2

Wo kaséréanku tanu awéan ta'sic kaca si kinemu in api. Wo awéan sé tou makatulung an tembir in ta'sic kaca itu. Séra itu sé tou imuntung asi binatang kataré, sé ra'ica mengakuru en sumiri' im patongna, wo ra'ica tumerima i nomor asi ngaran i binatang itu. Séra itu si esa wo si esa makatimboi esa kecapi aiwéé i Amang Kasuruan.

Wahyu 2:11

Si séike' si makalunteng, aweso taré linganna sapa sé aicua i Roh a sé jamaat. Si séi si muntung ra'ica kawisa mawendu in sapa-sapa ampa'paano im papaté karua.”

Wahyu 2:17

Si séi si makalunteng, aweso taré sia luminga sapa en aicua i Roh a sé jamaat: Si séi si muntung, sia wéan-Ku oka kakanen manna si pakaenepé', wo wéan-Ku oka ka'i sia watu kulo' si pinatican i ngaran weru. E ngaran weru itu ra'ica wana e makailek, wayake' si tumerima.”

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.

Wahyu 22:14

Pakakamangen sé tou sé icumemes in jubana. Séra makéré oka hak e maai a sé tuur ing katouan wo muntep ang kota itu kumiit im papalen-papalen wangker.

Wahyu 22:17

Wo e Roh i Amang Kasuruan wo si pengantén wéwéné itu kumua, “Mayoo!” Wo si séike' sé luminga in anio', sia ka'i musti kumua, “Mayoo!” Si séi e maré'om, mayoo! Wo si séi e masalé', mayoo mindo in dano katouan si asaloke' aitambér.

Wahyu 22:2

wo maroyong an uner in lalan ang kota itu. Ang ka'biri wo ang kakan in doyongan itu awéan tuu-tuura ing katouan. Sé tuura itu mengawua' makasangapulu' rua an esa ngata'un, anaé susur in serap makasake' mua'. En lalaina in tuu-tuura itu pengapakén en sumama' sé bangsa.