Wahyu 2:23 - En Taar Weru a nunuwu' é Tontemboan23 Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow. အခန်းကိုကြည့်ပါ။ |
Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.
Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.
Wo kaséréanku esa kawayo kulo tina'. Wo si tou makasaké asi cawayo itu, e ngaranna ‘Papaté’, wo pakiiten ing kakolanoan im papaté. Séra in dua winéan kawasa e maté sé sangapeepat tou ang kayo'baan anio' ang karapi in sa'bel, ang karapi ing kaareman, ang karapi in sakit malawé, wo ang karapi é binatang léwo' sé ang kayo'baan.