Wahyu 2:21 - En Taar Weru a nunuwu' é Tontemboan

²¹ Winéan-Kuo témpo si wéwéné itu e mape'dis, taan ra'ica yento'na mengéma-ngéma' sé andumoro' in cabul.

Wahyu 2:21 ပူးပေါင်းရင်းမြစ်များ

Roma 9:22

Taniituo ka'i sapa sé niéma' i Amang Kasuruan. Sia awéan hak en tumuru' ing kae'bowan-Na wo tumuru' ing kakawasaan-Na. Taan Sia tumuru' ing katalesenan-Na a sé tou sé tu'tulo im patén ampa'paan méma' Sia mae'bow.

1 Petrus 3:20

Sé roh itu, roh é tou ra'ica le'tek asi Amang Kasuruan an jaman i Nuh. Ang karoro'an i Nuh maéma' ing kapal wangker, si Amang Kasuruan talesen maento-ento' sé tou e mape'dis mengéma-ngéma' ing kaléwo-léwo'an. An tutuw en sonop wangko' itu imayo, wayake' i walu tou sé malowir asi sonop wangko' itu. Sérao sé an untep ing kapal wangker itu.

2 Petrus 3:15

Anggapeno mio' eng katalesenan i Casuruanta itu iméé témpo a sé tou e mape'dis wo makéré ing kalowiran. Si Paulus poowta si ipaupu-upus ka'i matico tanu siitu ai camu imaké ing kapinteran a si Amang Kasuruan owo.

2 Petrus 3:9

Awéan tou mawerot si Amang Kasuruan mauré-urépé' lumekep in janji-Na sapaoka si Kristus maai sumawel, taan en ulitna Sia talesen mengento-ngento' icamu mape'dis ampa'paan ra'ica icasalé'-Na sa awéan esake' ai camu meta'up im papaté. Taan en icasalé'-Na wosama' pakasa in tou ra'io mengéma-ngéma' ing kamesé-meséaan wo maréng sumawel méma' ing kasalé'an-Na.

Wahyu 16:11

Wo ojaten éra si Amang Kasuruan an sorga ampa'paan séra menanang i me'nget wo ampa'paano ing kupe-kupes éra, taan séra ra'ica mape'dis am pengéma- ngémaan éra.

Wahyu 16:9

Sé tou rinengis im paso' in api si ra'io icakua, akar ojaten éra e ngaran i Amang Kasuruan si makakawasa ing kawangkuran-kawangkuran itu. Wo séra ra'ica mape'dis wo ka'i ra'ica rumayo wo sumiri' Sia.