Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Wahyu 2:13 - En Taar Weru a nunuwu' é Tontemboan

13 Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.

အခန်းကိုကြည့်ပါ။ ကော်ပီ




Wahyu 2:13
27 ပူးပေါင်းရင်းမြစ်များ  

Sa kamu okoien é tou an esa kota, tumincaso mangé ang kota walina. En ulitna icua-Ku mangé ai camu, ra'ipé' pinakaangéan iow waya eng kota-kota an Israel, si Toyaang i Tou imayo.


An tutuw itu kamu ka'i isarakan oka éra en okoien wo patén, pakasa im bangsa masuut oka icamu ampa'paan kamu makiit Yaku.


Taan icua i Yesus ai sia, “Mangém ko, é kikiiten é sétang! Ang Kitap Le'nas aipatic in tana'i, ‘Ico musti kumuru en sumiri' a si Casuruan, si Amang Kasuruanmu, wo wayake' Sia em patus pengaselewiranmu.’ ”


Wo ka'i pakasa sé tou masuut oka icamu ampa'paan makiit Yaku.


Taniitu ka'i an tutuw éra imaté si Stefanus si sairi i Casuruan itu, yaku am bitu wo niénanku ka'i e niéma' éra itu. Wo yakuo ka'i en tuméir ing karai éra tutuw éra i maté sia.’


Wo intarépé' sia imayo am bia'i. Sia imakéréo surat kawasa asé kikiiten é imam an Yerusalem, en tumangka' sé tou maéman a si Apo' Yesus am bia'i.”


Taan ujin iow in sumama-sama' em pakasa in itu. Sa en itu uli-ulit asi Casuruan owo, terimano mangé wo kiiteno mangé i mauli-ulit.


Ampa'paan sa awéan tou ra'ica kiim murus sé poo-poowna wopé'ka'i kapoownapé' in esa, sia itu isumangkalo im paémanenna a si Yesus. Si tou itu lumébémai eng kaléwo' wo sé tou sé ra'ica maéman a si Casuruan.


Anaé, kiiteno mangé en sususuien si liningamuo a yaku. En sususuien itu ulit wo ro'na mamuali andéan ai co en sumusui sé tou walina. Ico musti maéman a si Kristus Yesus wo mengaupus pakasa in tou, en itu tumuru'o sapaoka ko meesa wo si Kristus Yesus.


Sa kita kasake' le'tek maéman ai Sia, kita ka'i merénta oka sé tou mewali-wali wo Sia. Sa kita kumua ra'ica makatuus Sia, Icua-Na oka ka'i Sia ra'ica makatuus icita.


Mayoo timboianta mauli-ulit em paémanen itu, tioo marua-rua wasa. Ampa'paan si Amang Kasuruan le'tek asi sapa sé aijanji-Na.


Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.


Séra itu ka'i maojat i Ngaran i parayo-rayo wo pasiri-siriin, taan asi Ngaran ituo, kamu imamuali anu i Amang Kasuruan.


Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.


Wéan-Ku oka kawasa a sé rua sairi-Ku e mangé kumua i nunuwuun-Ku ang karapi ing kumarai ing karai mala'lu eng kauréna sangariwu rua ngaatus enem ngapulu' ngando.”


Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.


Si binatang sinéréku itu, en owakna puté wo in owak i macan tutul, eng kécéina puté wo ing kécéi i beruang, em ba'ba'na puté wo im ba'ba' i singa. Wo iwéé i naga eng kaketeranna itu, em palukutan pasiri-siriinna wo eng kawasana wangko' a si binatang itu.


Em penting am bia'i sé tou le'nas musti talesen mandé ka'i meta'up in okoi, sérao sé makiit im perénta-perénta-Na wo mauli-ulit maéman a si Yesus.


Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.


Wo sérénku si wéwéné itu malanguo ampa'paan i melep in enda' é tou le'nas wo in enda' é sairi-sairi i Yesus. Keséréku isia, yaku mangaya-ngaya'ka'.


Kailekan-Ku sapa sé niéma' miow, kamu tumawoio mai in uter ang kerapi ing kale'tekan. Kailekan-Ku ka'i kamu ra'ica talesen makaséré sé tou léwo'. Tini'tiro miow sé tou sé makua sapaoka séra ruru'du'an, taan en ulitna ra'ica tanu siitu, wo kinailekano miow séra itu kotowo.


Ra'io uré ka'i Yaku maai! Téirano sumama-sama' sapa sé anu miow, wosama' ra'ica wana tou e rumombit i mahkota miow.


Pena'né-na'néieno mangé en sususuien si liningao wo tinerimao miow. Émaano mangé en sususuien itu wo mape'diso mangé! Sa kamu ra'ica matéi-téir, Yaku maai oka tanu si rombit. Ra'ica kailekan iow kawisa Aku maai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ