Wahyu 19:8 - En Taar Weru a nunuwu' é Tontemboan

⁸ Wo si pengantén wéwéné itu winéan kaloasan eng kumarai ing karai lénen alus si masélap wo weresi ulit.” (kaéng lénen alus itu itumuru' im pakasa sé pengaémaan wutul é tou le'nas.)

Wahyu 19:8 ပူးပေါင်းရင်းမြစ်များ

Matius 17:2

Wo sérén éra si Yesus imawalinao. Eng gio-Na matélang meputé wo in sendot i yéndo, wo eng karai-Na imakulo' masélap tanu in sendot.

Matius 22:12

Wo wuéien i colano a si sakéi itu, ‘É karapi, tumambisako imuntepai am bia'i ra'ica mekarai ing karai im pésta?’ Taan si tou itu makapeneske'.

Markus 9:3

wo en juba-Na imakuloo keli menéla-nélap. Ang kayo'baan anio', ra'ica wana tou e makawoo kumemes ing karai akar i makulo' tanu ing kakulo' im pekaraien-Na itu.

Lukas 24:4

Ang karoro'an éra i makatulung, séra tanuoka taré tou bingo ampa'paan memero-merot ing kinamamualian itu wo tumarépé'anke' mapaturu'o mai rua tou mekarai ing kulo' menéla-nélap, makatulung an duru éra.

Kisah Para Rasul 1:10

Ang karoro'an éra i makakanat angé an langit an tutuw i Yesus icaangkai, tumarépé'anke'mai awéan rua tou mekarai ing kulo' sé makatulung an duru éra.

Roma 13:14

Taan aweso taré kita menonou meputé im peri sé aituru' i Apo' Yesus Kristus. Wo ra'io toro makiit im peri é tou sé maéma' ing kamesé-meséaan e marui ing kasalé'an in owakna in esa.

Roma 3:22

sapaoka sé tou ro'na nianggap wutul i Amang Kasuruan, ampa'paan maéman a si Yesus Kristus. Niéma' i Amang Kasuruan in taniitu torona im pakasa é tou maéman a si Yesus Kristus. Ampa'paan pakasa en tou puté waya an dior i Amang Kasuruan.

Wahyu 15:4

Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”

Wahyu 15:6

Wo sé pitu malaékat maali-ali sé pitu kawangkuran icumesot asi Walé Le'nas. Séra mekarai ing kulo' weresi masélap, an da'dak éra pakalilitan in salémpang a mas owo.

Wahyu 19:14

Wo pakasa sé suraro an sorga kumiit ai Sia. Séra makasaké asi cawayo kulo' wo mekarai in lénen alus kulo' weresi.

Wahyu 3:18

Ampa'paan in ituo, sina'uen-Ku kamu en tumeles mas a Yaku, si matuléno in api, wosama' kamu masiya'. Tumeleso karai kulo' a Yaku wosama' pakén iow wo ra'ica malawi' sérén é tou metangkol. Wo tumeleso solo eng kisu am beren wosama' kamu ro'na suméré.