Wahyu 19:18 - En Taar Weru a nunuwu' é Tontemboan

¹⁸ wosama' ro'na kanen iow waya en sama'na é kolano, sama'na é kikiiten é suraro, sama'na é tou keter, sama'na é kawayo wo sé makalukut an licurna, sama'na é pakasa in tou sé ra'ica pakakawasaan é tou walina kuma'pa sé ata, sé tou wawa' kuma'pa sé tou wangko'.”

Wahyu 19:18 ပူးပေါင်းရင်းမြစ်များ

Matius 24:28

Am bisa en awéan binatang imatéo, tantu am bitu em pakali'muran é burung mengakan in sama'na wuruk.”

Lukas 17:37

Wo sé murit i Yesus mamuéi ai Sia, “Am bisa réén en itu e mamuali, é Guru?” Isowat i Yesus, “Am bisa en awéan bangké, am bitu em pakali'muran é burung mengakan in sama'na wuruk.”

Wahyu 11:18

Wo pakasa im bangsa mae'bowo, taan an témponao Ko tumuru' in e'bow-Mu wo makim sé tou imatéo. Si anioo en témpona e méé in laasa a sé ata-Mu, sérao sé nabi, wo pakasa sé tou le'nas, wo sé tou sé maindé' i ngaran-Mu, sé tou sé ra'ica pengasiriin kuma'pa sé tou pengasiriin. Si anioo en témpona ka'i e maté sé tou en luméwo' ing kayo'baan.”

Wahyu 13:16

Wo pakasa in tou tumo'tolai asé tou sé ra'ica pengasiriin kuma'pa sé tou pengasiriin, sé tou lengéi kuma'pa sé tou siya', sé ata kuma'pa sé tou ra'ica pakakawasan é tou walina leséén i binatang karua itu wosama' wéan tuus ang kama kakan kuma'pa an tuintung éra.

Wahyu 17:16

Wo sé sangapulu' sungé sé sinérému wo si binatang itu, masuut oka asi wéwéné sundal itu. Wo andéten éra eng kasiyaanna itu wo tangkolan éra. Wo kanen éra en sama'nana wo tunun éra in api.

Wahyu 19:5

Wo kalingaan awéan suara asi palukutan pasiri-siriin owo icumua in tana'i, “Irayoo mangé si Amang Kasuruanta, éi icamu im baya sé ata-Na si maindé' ai Sia, icamu sé tou ra'ica pengasiriin kuma'pa sé tou pengasiriin.”

Wahyu 6:15

Wo sé kolano ang kayo'baan, sé tou wangko', sé kikiiten é suraro, sé tou siya', sé tou makatimboi ing kawasa, sé ata wo sé tou ra'ica pakakawasan é tou walina, séra im pakasa rumaméji menep an untep im bo'bo-wo'bok wangker, wo am paawuu-paawuun im batu- watu ing kuntung.