Wahyu 18:9 - En Taar Weru a nunuwu' é Tontemboan

⁹ Wo sé kolano ang kayo'baan sé sumundalo wo menonou ang kasiyaan wo isia, maamé' oka sa sérén éra en tembur in api tumunu sia.

Wahyu 18:9 ပူးပေါင်းရင်းမြစ်များ

1 Timotius 5:11

Taan sé balu wéwéné wo'basé' sé ra'ipé' imangé in enem ngapulu' ngata'un, ra'ipé' toro daftar en tawangen. Ampa'paan sa séra kinawasao ing kasalé'an in owak si ra'ica wutul, tantu séra masalé'pé' kawéngen sumawel wo ra'io mengaselewir a si Kristus,

Wahyu 14:11

Wo en tembur in api e mokoi iséra itu memulu-mulut akar ing kauré-uré, wo séra pengoko-ngokoien endo wo em bengi. Séra ituo sé tou makuru en sumiri' si binatang wo im patongna itu wo sé itumerima in tuus i ngaranna.”

Wahyu 17:2

Sé kolano ang kayo'baan sumundalo ang karapina, wo sé tou ang kayo'baan linanguo in anggor kanajisanna.”

Wahyu 18:18

wo sérén éra en tembur in api si matunu sia, wo séra mangko', “Ra'ica wana kota eng kaputé ing kota wangker itu!”

Wahyu 18:20

Maaru-aruio mangé éi sorga, éi tou le'nas, sé ruru'du'an wo sé nabi! Ampa'paan sia niukumo i Amang Kasuruan, tanu in susuli' a sé kaléwo-léwo'an sé niéma'na ai camu.”

Wahyu 18:3

Ampa'paan pakasa im bangsa ang kayo'baan linanguo in anggor kasalé'an in owak mabersina, wo sé kolano ang kayo'baan mabersinao ang karapina. Wo sé tou mawangkér ang kayo'baan imasiya'o ampa'paan wuta ing kasalé'an in owak.”

Wahyu 18:7

Wéano mio' kaokoian wo kala'luan ai sia tanu ing kakeli i rarayo wo ing kasiyaan si pinendamnao. Ampa'paan sia icumua an untep in aténa: ‘Yaku makakawasa tanu ratu wo ra'ica balu, wo yaku ra'ica kawisa mala'lu.’

Wahyu 19:3

Makasapé' ka'i icua éra, “Irayoo mangé si Amang Kasuruan! En tembur asi kota itu menembu-nembur akar ing kauré-uré!”

Wahyu 2:22

Ta'néien sumama-sama'! Iténdél-Ku oka si wéwéné itu am bawo im patekelan akar sia mendam in sakit. Wo pakasa in tou mengabersina ang karapina, sa séra ra'ica mape'dis émaan-Ku oka séra mendam ing kawenduan wangko'.