Wahyu 18:6 - En Taar Weru a nunuwu' é Tontemboan

⁶ Émaano mangé sia tanu sapa sé niéma'na ai camu, wo suliino mangé waya sé pengaémaanna makarua lumepet. Pumpunano mio' em paelepanna in elepen si kinemu i makarua lumepet eng kakerasna.

Wahyu 18:6 ပူးပေါင်းရင်းမြစ်များ

2 Timotius 4:14

Si Aleksander si makailek mangaéma' im pakakas an tambaga owo, iméma'o kelian kaléwo-léwo'an a yaku. Ukumen oka i Casuruan sia kiit sé niéma'na.

Wahyu 13:10

“Si séi si aitantuo e mamuali tawanan, sia mamuali oka tawa- nan. Si séi si aitantuo patén in sa'bel sia patén oka in sa'bel.” Ampa'paan in ituo sé tou le'nas musti talesen wo le'tek maéman mandé meta'up ing kawenduan.

Wahyu 14:10

elepenna oka en anggor i Amang Kasuruan, siituo en anggor kae'bowan-Na si aituas an untep in paelepan kae'bowan-Na. Wo sia okoien oka in api wo im balélang an dior é malaékat le'nas wo an dior i Toyaang i Domba.

Wahyu 16:19

Wo eng kota wangker itu maweté' mapetelu, wo kai sé kota-kota é bangsa walina sé ra'ica makatuus si Amang Kasuruan makateri-teri waya. Wo kata'néiano i Amang Kasuruan eng kota Babel wangker itu wo émaan-Na eng kota itu melep in anggor am paelepan si wuta ing kae'bowan-Na.

Wahyu 17:2

Sé kolano ang kayo'baan sumundalo ang karapina, wo sé tou ang kayo'baan linanguo in anggor kanajisanna.”

Wahyu 17:4

Si wéwéné itu mekarai ing karai pares wo kaéng réindang wo pinerong i mas, im permata wo i mutiara. Eng kamana makatimboi im paelepan mas wuta sé andumoro' in léwo' wo sé karican asi kanajisanna.

Wahyu 18:20

Maaru-aruio mangé éi sorga, éi tou le'nas, sé ruru'du'an wo sé nabi! Ampa'paan sia niukumo i Amang Kasuruan, tanu in susuli' a sé kaléwo-léwo'an sé niéma'na ai camu.”