Wahyu 18:3 - En Taar Weru a nunuwu' é Tontemboan

³ Ampa'paan pakasa im bangsa ang kayo'baan linanguo in anggor kasalé'an in owak mabersina, wo sé kolano ang kayo'baan mabersinao ang karapina. Wo sé tou mawangkér ang kayo'baan imasiya'o ampa'paan wuta ing kasalé'an in owak.”

Wahyu 18:3 ပူးပေါင်းရင်းမြစ်များ

Lukas 7:25

Sapa en torona miow maangé? Suméré réén si tou mekarai in loor? Si tou mekarai in loor wo menonou ang kasiyaan itu, em paento'anna am balé i colano.

1 Timotius 5:11

Taan sé balu wéwéné wo'basé' sé ra'ipé' imangé in enem ngapulu' ngata'un, ra'ipé' toro daftar en tawangen. Ampa'paan sa séra kinawasao ing kasalé'an in owak si ra'ica wutul, tantu séra masalé'pé' kawéngen sumawel wo ra'io mengaselewir a si Kristus,

Wahyu 14:8

An tutuw i malaékat kataré imangém, mai ka'i si malaékat karua. Wo icuana, “Imaterio, imaterio eng kota Babel si wangker itu! Ampa'paan pakasa im bangsa ang kayo'baan linanguo é tou Babel ampa'paan i melep in anggor kanajisanna.”

Wahyu 17:2

Sé kolano ang kayo'baan sumundalo ang karapina, wo sé tou ang kayo'baan linanguo in anggor kanajisanna.”

Wahyu 18:19

Wo séra mu'bur in awu am bawo in do'kos éra, ang karapi i maamé' wo maangko', “Icawangkur, icawangkuro eng kota wangker, tampa é pakasa sé makaanu ing kapal imasiya' ampa'paan em barang-barang sosor em bééna. Taan wayake' in esa jam sia itu matongkar.

Wahyu 18:23

Wo ra'io ka'i kaséréanai en sendot in sosoloan an untepna, wo ra'io ka'i kalingaanai en suara im pésta ing kinawéngan. Sé mawangkér am bitu, sérao sé tou wangko' sé pasiri-siriin ang kayo'baan, wo em bangsa-bangsa aisélé'kowo in sihirna.”

Wahyu 18:7

Wéano mio' kaokoian wo kala'luan ai sia tanu ing kakeli i rarayo wo ing kasiyaan si pinendamnao. Ampa'paan sia icumua an untep in aténa: ‘Yaku makakawasa tanu ratu wo ra'ica balu, wo yaku ra'ica kawisa mala'lu.’

Wahyu 18:9

Wo sé kolano ang kayo'baan sé sumundalo wo menonou ang kasiyaan wo isia, maamé' oka sa sérén éra en tembur in api tumunu sia.