Wahyu 18:1 - En Taar Weru a nunuwu' é Tontemboan

¹ Kekawus in itu, kaséréanku awéan esa malaékat walina itumumpa mai an sorga owo. Sia makaanu ing kawasa wangko' akar eng kayo'baan imasendot ampa'paano i rarayo wo in sisiri'na.

Wahyu 18:1 ပူးပေါင်းရင်းမြစ်များ

Lukas 17:24

Ampa'paan an tutuw si Toyaang i Tou maai sumawel, Sia wutu-wutul sérén oka waya é tou. Sia maai tanuoka ing kilat si tumélang tumo'tol asi tempok in langit akar asi tempok in langit walina.

2 Tesalonika 2:8

An tutuw ituo si tou luméwo-léwo' itu mai mapaturu' in owakna. Taan si tou luméwo-léwo' itu patén oka i Apo' Yesus ang karapi in aseng-Na. Wo an tutuw i Apo' Yesus maai sumawel, teri-terin-Na oka ang karapi in télang an owak-Na.

Wahyu 10:1

Wo sérénku si esa malaékat walina si kumete-keter tumumpa mai an sorga owo. En owakna pakasaputen ing kambung, wo awéan limbawa an dangka' in do'kosna. Eng giona tanuoka si yéndo wo eng kécéina tanuoka totombol in api.

Wahyu 17:1

Kekawus in itu mai a yaku esaan asé pitu malaékat maali-ali im pitu paelepan, wo icuana, “Mayoo am bia'i, ituru'ku oka ai co en ukuman a si wéwéné sumunda-sundal itu. Sia makalukut an tampa keli rano.

Wahyu 17:7

Wo icua i malaékat a yaku, “Kéitu réén ko mangaya-ngaya'ka'? Isisilku oka ai co eng kaangéanna sé aicaenepé' andumoro' i wéwéné wo si binatang pakasakéanna si binatang pitu en do'kos wo sangapulu' en sungé.”

Wahyu 21:23

Eng kota itu ra'io ka'i maperlu si yéndo wo si serap en sumendot, ampa'paan si Amang Kasuruan si wuta in darayo wo in sisiri', iméé mai in sendot, wo si Toyaang i Domba ituo en sosoloanna.