Wahyu 17:9 - En Taar Weru a nunuwu' é Tontemboan

⁹ Em penting am bia'i musti pakénta eng kapinteran asi Amang Kasuruan owo wosama' ro'na kaangéanta andumoro' in sapa eng kaangéan é pitu ro'kos i binatang itu. Sé pitu ro'kos ituo sé pitu kuntung, am bawo é kuntung itu pengalukutan i wéwéné itu,

Wahyu 17:9 ပူးပေါင်းရင်းမြစ်များ

Matius 13:11

Isowat i Yesus, “Si Amang Kasuruan imééo mai ing kamang tatambér ai camu e makailek in sususuien sé icaenepé' andumoro' ing Kakolanoan in Sorga, taan ai séra ra'ica.

Matius 24:15

“Anaé, sa sérén iow si esa tou luméwo-léwo' makatulung asi tampa le'nas, tanu in aipatico i nabi Daniel. [Si séi e maca in anio' wéanio' rékén sumama-sama'! ]

Wahyu 13:1

Wo sérénku awéan esa binatang icumesotai an untep in ta'sic owo, sia makaro'kos pitu wo makasungé sangapulu'. An tempok é sungé itu awéan sangapulu' mahkota. Wo an do'kos i binatang itu pinatican i ngara-ngaran é maojat si Amang Kasuruan.

Wahyu 13:18

Si penting am bia'i en tou musti awéan kapinteran asi Amang Kasuruan owo. Sé tou sé awéan kapinteran ro'na rumékén i nomor i binatang itu, ampa'paan e nomor itu nomor i esa tou. Wo e nomor itu enem ngaatus enem ngapulu' enem.

Wahyu 17:18

Si wéwéné sinérému itu, siituo si kota wangker si maperénta sé kolano ang kayo'baan.

Wahyu 17:3

Kekawus in itu, yaku kinawasa i Roh i Amang Kasuruan wo aku uwiten angé i malaékat an tana' kapayasan. A mangé mbitu, kaséréanku si esa wéwéné makalukut an licur i esa binatang réindang matu'a. An owakna pinatican i ngara-ngaran ipaojat a si Amang Kasuruan. Si binatang itu makaro'kos pitu wo makasungé sangapulu'.

Wahyu 17:7

Wo icua i malaékat a yaku, “Kéitu réén ko mangaya-ngaya'ka'? Isisilku oka ai co eng kaangéanna sé aicaenepé' andumoro' i wéwéné wo si binatang pakasakéanna si binatang pitu en do'kos wo sangapulu' en sungé.”