wo icuana ai sia, “Eng kanaramen é tou mengaselewir in anggor sé loor eng kataré, wo sa kelio en anggor nielep é sakéi, selewiro éra en anggor sé ra'ica loor. Taan ayéma' i poow en anggor loor akar asi oras anio'.”
Taniitu ka'i an tutuw éra imaté si Stefanus si sairi i Casuruan itu, yaku am bitu wo niénanku ka'i e niéma' éra itu. Wo yakuo ka'i en tuméir ing karai éra tutuw éra i maté sia.’
Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.
Wo si binatang karua itu ka'i tumerima ing kawasa e méma' im patong i binatang kataré itu menonou, akar em patong itu ro'na rumoma' wo maté pakasa in tou sé ra'ica kumuru en sumiri' a si patong itu.
Sia ka'i winéan kawasa e merang sé tou le'nas wo kumala iséra. Sia ka'i winéan kawasa e merénta am pakasa in suku, am pakasa i negara, am pakasa i nunuwu' wo pakasa im bangsa.
Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.