Wahyu 17:16 - En Taar Weru a nunuwu' é Tontemboan

¹⁶ Wo sé sangapulu' sungé sé sinérému wo si binatang itu, masuut oka asi wéwéné sundal itu. Wo andéten éra eng kasiyaanna itu wo tangkolan éra. Wo kanen éra en sama'nana wo tunun éra in api.

Wahyu 17:16 ပူးပေါင်းရင်းမြစ်များ

Wahyu 12:3

Wo mapaturu' mai ka'i esa tuus walina an langit. Wo séréno si esa naga wangker kliur réindang. Sia itu makaro'kos pitu wo awéan sangapulu' sungé. An do'kos si esa wo si esa awéan mahkota.

Wahyu 16:12

Wo ituas ka'i i malaékat kaenem sé an untep im paelepanna itu an doyongan wangker makangaran Efrat, wo en dano in doyongan itu mapera akar tu'tulo en lalan é kolano sé mai a micona owo.

Wahyu 17:10

wo sé pitu ro'kos ituo ka'i sé pitu kolano. Lima asé kolano itu imatéo. Wo si esa ang karoro'ané' imaperénta wo si esa ka'i ra'ipé' mai. Sa sia maai ra'ica talos uré e merénta.

Wahyu 18:19

Wo séra mu'bur in awu am bawo in do'kos éra, ang karapi i maamé' wo maangko', “Icawangkur, icawangkuro eng kota wangker, tampa é pakasa sé makaanu ing kapal imasiya' ampa'paan em barang-barang sosor em bééna. Taan wayake' in esa jam sia itu matongkar.

Wahyu 18:8

Ampa'paan pakasa eng kawangkuran wayake' in sangando tumena ai sia, tanumai sakit malawé, mala'lu wo ing kaareman, wo sia tunun oka in api, ampa'paan si Amang Kasuruan si kumete-keter e makim sia.”

Wahyu 19:18

wosama' ro'na kanen iow waya en sama'na é kolano, sama'na é kikiiten é suraro, sama'na é tou keter, sama'na é kawayo wo sé makalukut an licurna, sama'na é pakasa in tou sé ra'ica pakakawasaan é tou walina kuma'pa sé ata, sé tou wawa' kuma'pa sé tou wangko'.”