Wahyu 17:13 - En Taar Weru a nunuwu' é Tontemboan

¹³ Sé sangapulu' kolano itu meesa en até e méé ing kaketeran wo ing kawasa éra a si binatang itu.

Wahyu 17:13 ပူးပေါင်းရင်းမြစ်များ

Kisah Para Rasul 4:28

E niéma' éra itu, aitantuo i Casuruan indioré'wo ciit ing kawasa wo ing kasalé'an-Na.

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 2:2

Anaé, émaano mai en atéku wutu-wutul mendam in arui, ang karapi iméma' in tana'i; menonou angé kamu ang karapi in esa até, esa upus, esa wewerot wo esa en angéan.

Wahyu 17:14

Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.

Wahyu 17:17

Ampa'paan si Amang Kasuruan matawoi an até éra wosama' émaan éra sapa en icasalé'-Na. Ampa'paan in ituo séra meesa e méé ing kawasa éra a si binatang itu, akar linekepo waya sé aicua-Na.