Wahyu 17:10 - En Taar Weru a nunuwu' é Tontemboan

¹⁰ wo sé pitu ro'kos ituo ka'i sé pitu kolano. Lima asé kolano itu imatéo. Wo si esa ang karoro'ané' imaperénta wo si esa ka'i ra'ipé' mai. Sa sia maai ra'ica talos uré e merénta.

Wahyu 17:10 ပူးပေါင်းရင်းမြစ်များ

Wahyu 10:11

Kekawus in itu, awéan en cumua a yaku, “Musti icuamu ka'i sumawel e nunuwuun i Amang Kasuruan andumoro' in sapa sé mamuali oka a sé kelian bangsa, negara, nunuwu' wo ka'i a sé kolano.”

Wahyu 13:12

Wo pakasa eng kawasa si aiwéé i binatang kataré ai sia, pinakéna en itu an dior i binatang kataré wosama' pakasa in tou sé menonou ang kayo'baan kumuru en sumiri' a si binatang kataré itu. Siao si binatang si masama'o em péla'na si misioka makawali sia am papaté.

Wahyu 13:3

Wo esaan asé ro'kos i binatang itu kaséréan awéan kalat im péla' si misioka makawali sia am papaté. Taan em péla' itu imasama'o. Pakasa en tou ang kayo'baan mangaya-ngaya'ka' wo kiiten éra si binatang itu.

Wahyu 17:11

Si binatang itu indior awéano taan intarépé' ra'io wana, sia in esao si kolano kawalu. Sia esaan asé pitu kolano itu ka'i wo sia maangém am papaté.

Wahyu 17:16

Wo sé sangapulu' sungé sé sinérému wo si binatang itu, masuut oka asi wéwéné sundal itu. Wo andéten éra eng kasiyaanna itu wo tangkolan éra. Wo kanen éra en sama'nana wo tunun éra in api.